محمد رمضان عن تقبيله الصليب في "ابن حلال": "أخويا في الرضاعة مسيحي"

نشر الفنان محمد رمضان، خلال حسابه على موقع التواصل الاجتماعي "فيس بوك" مقطع فيديو له من مسلسل "ابن حلال" وهو يقبل الصليب، ويفسر لماذا قام بتقبيله في هذا المشهد.

وكتب رمضان: "ليه الصليب بوسته في المشهد ده؟ أخويا في الرضاعة مسيحي اسمه روماني جرجس .. لما كان عمري سنة أمي تعبت واتحجزت في المستشفى أسبوع واللي رضعتني الأسبوع ده أم روماني".

وأضاف: "والشارع اللي كنت ساكن فيه كان تقريبا أربع بيوت بس المسلميين والباقي مسيحيين .. أفراحهم كنا بنحضرها في الكنيسة وكانوا بيحضروا كتب الكتاب في قاعة المناسبات في المسجد، كان أكلنا واحد، وأحلامنا وأحزانا واحدة وثقة في الله هنفضل كده ويمكن علشان كده في المشهد ده اتفاجئت إني بابوس الصليب بدون أي اتفاق مسبق مع المخرج بتلقائية وعفوية .. وذلك لأني اتعودت وتربيت على أن احترم ما يحترمه إخوتنا المسيحيين".

واختتم تدوينته قائلا: "الدين لله والوطن للمسلمين والمسيحيين معا".

• التواصل الاجتماعي
• الفنان محمد رمضان
• كتب الكتاب
• مقطع فيديو
• موقع التواصل
• التواصل الاجتماعي
• الفنان محمد رمضان
• كتب الكتاب
• مقطع فيديو
• موقع التواصل