كواليس مد اليوم الدراسى.. طالب «زهقان» ومدرس «عاوز يروّح»

11:59 م | الأربعاء 18 أكتوبر 2017

منشور جديد داخل المدارس الابتدائية الرسمية بمحافظة القاهرة، تسبب فى صدمة لعدد ضخم من المعلمين وأولياء الأمور والتلاميذ على حد سواء، عقب قرار مد ساعات الدراسة حتى الثالثة تقريباً، تحديداً من الصف الرابع وحتى السادس الابتدائى. «أرجو باسمى واسم جميع أولياء الأمور النظر لصغارنا بنظرة فيها رحمة، احترموا آدميتهم»، هكذا وجدت زيزى طيبى نفسها تتوجه إلى صفحات وزارة التربية والتعليم محاولة الوصول لمن يهمه الأمر: «بنتى فى خامسة ابتدائى، حرام اللى بيحصل لها هى وزملائها، وغير آدمى». لوحة دفعتها لتخيل السيناريو سريعاً «الطفل هيصحى الساعة ستة الصبح، سبعة يكون فى المدرسة، يخرج منها تلاتة، وبعدها إذا كان وراه مجموعة ولا درس، ويشوف الواجبات يعنى معاه لحد عشرة بالليل»، حالة من الرعب تملكتها بينما أخذت تتساءل: «فين وقت الأكل والمذاكرة والترفيه والراحة؟».

{long_qoute_1}

ميادة الزينى، ولية أمر أخرى اعتبرت أن الأمر «تهريج»، متسائلة: «يعنى تسع حصص بينها فسحة 10 دقايق فقط، يرضى مين دا؟».. أما دعاء عبدالقادر فقد اعتبرت أن الأمر «موت بطىء للأطفال». «خرجينى من المدرسة مش عايز أروح تانى».. هكذا جاء رد الفعل لرانيا يسرى من صغيرها بالصف الرابع الابتدائى: «كل يوم يعيط وكره الدراسة والمدرسة».

تطوير شكلى برهنت عليه ولية الأمر رضوى فايز: «هم العيال هيعملوا إيه ده كله فى المدرسة، مبياخدوش ألعاب ولا حصص نشاط، وفيه حصص بتكون فاضية والعيال بيفضلوا متذنبين قاعدين فاضيين، مفكروش فى المضمون لكن ركزوا على شكل اليوم الدراسى فقط»، ما دفع زميلتها سحر أنور للسخرية: «وجايين على نفسهم ليه مش فاهمة، يخلوهم يباتوا فى المدرسة أحسن بدل تضييع الوقت فى المرواح والمجى». حالة من الشعور بالسأم والإحباط لم تختلف عنها لدى المدرسين: «انتو فاكرين إن وقت الشرح هيطول؟»، قالها أحد المدرسين -طلب عدم ذكر اسمه- مؤكداً: «كدا كدا الدرس بيتشرح فى 10 دقايق باقى الحصة هنفضل فاضيين، أهو زهق وخلاص».

جدول تعديل المواعيد