«فاهيتا» تساند المنتخب بالدعاء: «يا رب انصر الغانيين على الأوغنديين»
«فاهيتا» تساند المنتخب بالدعاء: «يا رب انصر الغانيين على الأوغنديين»
- المنتخب المصري
- عبد الشافى
- عبد الله
- كأس العالم
- مجدى عبد الغنى
- أبلة فاهيتا
- أحمد فتحي
- المنتخب المصري
- عبد الشافى
- عبد الله
- كأس العالم
- مجدى عبد الغنى
- أبلة فاهيتا
- أحمد فتحي
طالبت الدمية الشهيرة بـ«أبلة فاهيتا»، جمهور برنامجها «لايف من الدبلوكس»، بالدعاء للمنتخب المصري، من أجل الوصول لكأس العالم في روسيا، مضيفة: «إحنا كده اتأكدنا إن المنتخب مش هيوصل غير بالدعاء، يا رب فرحنا إحنا مصعدناش من سنة 90».
وأضاف فاهيتا، في حلقة أمس من «لايف من الدبلوكس»: «يا رب انصر الغانيين على الأوغنديين، أو إن شالله حتى يطلعوا متعادلين، وفك نحس كوبر ابن الأرجنتين، وثبت الحضري بين العارضتين، واظبط أوفرات أحمد فتحي من ناحية اليمين، والباكين يبقو مركزين».
وتابعت فاهيتا: « يا رب صحح عبدالشافي ده مفيش غيره هنلعب بمين، واجعل من النني سد متين، وفَوَّق صالح عشان عبدالله وكهربا مصابين، يا رب رمضان يقف على الكورة ويركنها في اليمين، وارزق تريزيجيه بانفرادة من غير مدافعين، وفوق صلاح علشان معندناش مهاجمين، يا رب فرحنا ده إحنا ماصعدناش من سنة 90، ونروح بقى روسيا ومجدي عبدالغني يبطل شماتة في المصريين».
