«بسنت» توفر عملاً للسيدات: «لكلوك كروشيه» والمكسب 50 جنيهاً

07:54 م | الأحد 03 سبتمبر 2017

تعلمت الكروشيه فى عمر مبكر للغاية، على يد والدتها الراحلة.. الشابة الثلاثينية بسنت توفيق، ظلت تمارس الحرفة اليدوية كوالدتها سنوات طويلة فى حدود محيطها، عائلتها وجيرانها وأقاربها فقط، لكنها أخيراً قررت أن المسألة تستحق بعض الخروج عن المألوف عبر مبادرة لتعليم وتشغيل ربات البيوت فى مجال الكروشيه.

«الكروشيه سهل جداً ومش بيحتاج وقت طويل فى التعليم».. هكذا تقدم الأمر للراغبات فى العمل: «سواء بتعرفى تشتغليه أو مابتعرفيش الموضوع سهل»، تقدم خدماتها ببساطة: «لو تقدرى تقابلينى هاعلمك فى مكان عام، ولو ماتقدريش تنزلى هابعت لك فيديوهات تعليم سهلة جداً فى البيت، المهم تنتجى فى النهاية».. هكذا تحدد المنتج المطلوب وهو عبارة عن أحذية ولكاليك من الكروشيه: «مطلوبة فى السوق وليها زبونها ومكسبها مش وحش».

تكلفة تصل إلى 10 جنيهات تقريباً فى القطعة الواحدة مقابل مكسب خمسة جنيهات: «اللكلوك بيخلص فى وقت قياسى، ممكن الست تعمل فى اليوم عشر قطع، يعنى مكسب 50 جنيه، فى الشهر هاتوصل 1500 جنيه، زى مرتب موظف الحكومة»، تقولها مؤكدة: «لا هاتنزل من بيتها ولا هتروح ولا هتيجى وهتشتغل قدام التليفزيون أو وهى بتذاكر للولاد، مش محتاجة تعب قلب»، هكذا أغرت كثيرات بالانضمام لها عبر مجموعة مغلقة عبر موقع التواصل الاجتماعى «فيس بوك» أنشأتها خصيصاً لهذا الغرض.

{long_qoute_1}

ورغم حصول بسنت على دبلوم إلكترونيات متطور، وعملها بوظيفة صباحية بعيدة عن مجال الأعمال اليدوية، فإنها أرادت لنفسها عملاً خاصاً يساعدها والمئات من ربات البيوت اللائى ترى استغاثاتهن عبر المجموعات النسائية بمواقع التواصل حيث تبرز المعادلة الصعبة: «عاوزة شغل من غير ما أنزل من البيت»، لعل هذا ما نتج عنه حالة التجاوب الكبرى: «ستات كتير تواصلت معايا وبعتولى نماذج من شغلهم وطلع رائع، كده عندى الإيد اللى هاتشتغل وعندى السوق، المحلات فى شبرا الخيمة متلهفة على الإنتاج من دلوقتى».