النيكوتين
النيكوتين أصبح إدمان
وعروقك بالكاد بتبان
والصدر معمي بدخان
ولساه قلبك برضه نضيف
.…
بتنادي وتكتب في قصايد
بس الرب ماهواش رايد
رافض تيأس فتقوم عايد
في كلام في الآخر مش هيضيف
....
كملت لقيت طريق مسدود
ومن الوحدة وإليها نعود
رافض ترضى بالموجود
كاره كونك تبقى ضعيف
.…
شهواتك بتزيد معاصيك
ومعادك مش راح يستنى
يا الله أنا مؤمن بيك
هل يكفي لدخول الجنة؟
....
رتم حياتك ماشي ببطء
مع تكرار أحداث وظروف
قافل على نفسك بالوحدة
ومحاوطك دايما بالخوف
تايه وسط التفاصيل
والتوهة مصير الملهوف
عاشق جدا لـ الليل
والعشق بيخلق مساجين
والوحدة بتصنع عشاق
والغنوة كلام الساكتين
والشعر طريق المشتاق
