أبرز إفيهات مدحت شلبي في الشوط الأول للقمة.. "إيناسيو مبيغيرش الجاكيت"
أبرز إفيهات مدحت شلبي في الشوط الأول للقمة.. "إيناسيو مبيغيرش الجاكيت"
اعتاد الجمهور في مباريات القمة بين الأهلي والزمالك، على سماع اللقاء بتعليق الإعلامي مدحت شلبي، الذي ارتبط اسمه بعدد من "الإفيهات" التي ما زال يذكرها ويرددها جمهور كلا الفريقين.
وفي مباراة القمة اليوم، انتهى الشوط الأول بتقدم الأهلي على الزمالك بهدف مقابل لا شيء، ولم يحرم شلبي جمهوره من "إفيهات" جديدة، التي سرعان ما أصبحت مادة لـ"الكوميكس" على موقع التواصل الاجتماعي "فيسبوك".
وترصد "الوطن" أبرز إفيهات "شلبي" خلال الشوط الأول من مباراة القمة:
- صالح جمعة "المعلم ابن المعلم"
- "إيناسيو" مبيغيرش الجاكيت بتاعه، عشان بيتفائل بيه.
- هخلي المدرب يقول آه يا عمر.
- الحكم مدرس دين آه، بس ميعرفش عربي.
- لو فتحي خد الإنذار التاني، يبقي كل سنة وإنت طيبين.
- أحمد رفعت ممكن يحرك الماتش، مش عارف إيناسيو "ناسيه" ليه.
- لعيبة الزمالك بعد أكلة السمك والجمبري ريحوا.
- الأهلي بيلاعب نفسه.
- علي جبر بيزعق للونش.. بس "الونش" مش هيعرف يرفع.
- اللاعيبة بتعمل تمثيليلات، يا تري اللى واقع ده تعبان ولا تكملة المسلسل.
- مش مهم الغرز اللي في دقن "نجيب"، المهم مياخدش "غرزة" من حد.
- أجاي ده لعيب "فتوة".
