أمير طعيمة: تصوير غادة عبد الرازق كضحية خطأ شديد
أمير طعيمة: تصوير غادة عبد الرازق كضحية خطأ شديد
علَّق الشاعر أمير طعيمة على الفيديو الذي نشرته الفنانة غادة عبد الرازق، أمس الثلاثاء، واعتذرت فيها عن ظهورها بشكل غير لائق في فيديو "لايف" في أثناء إجازتها التي كانت تقضيها بإحدى جزر المالديف.
وكتب طعيمة عبر "فيسبوك": "بعد الفيديو الأول ومن غير ما تبكي كان منطقيا جدا إنها مش قاصدة والعقل بيقول إنها مش هتتعمد تنزل للمستوى ده، ومهما كانت شطحاتها ففي النهاية ده شيء لا يمكن يصدر عن كائن عاقل بإرادته بالذات لو نجم وشخصية عامة وفي مجتمع ما زال يحتفظ ببقايا من شرقيته".
وأضاف: "بعد الفيديو التاني والدفاع المستميت من كل الناس عنها وتصويرها كضحية برضه خطأ شديد، محدش اختلس الفيديو ده منها مثلا عشان ما نحملهاش المسئولية، خلاص يعني مفيش مكان تاني ولا لَبْس تاني طول اليوم عشان تقابل جمهورها ولا ده كمان بيخدم الدراما؟! احترامها لنفسها وجمهورها بيقول إن لا ده المكان ولا الزمان اللائق".
وتابع: "اعتذارها كان صادقا وكلامها منطقي ومحدش فينا مبيغلطش، ربنا يسترنا ويسترها ويستر الجميع".
