مي كساب عن أزمة غادة عبدالرازق: بننصب المحاكم لغلطات الناس وننسى نفسنا

12:19 م | الأربعاء 05 يوليو 2017

علقت الفنانة مي كساب، على الفيديو الذي نشرته الفنانة غادة عبد الرازق، أمس، والتي كانت تعتذر فيه عن الفيديو المثير للجدل الذي تم تداوله عبر مواقع التواصل الاجتماعي المختلفة قبل أيام.

وكتبت "مي" عبر حسابها الشخصي على "إنستجرام": "أنا مش عارفه ليه نوصل إنسان أنه يبكي بالشكل ده قدام ناس كتير ويبان مكسور كده من الفضيحة، احنا للأسف بننصب المحاكم لغلطات الناس وننسي نفسنا، بل بالعكس بنعصم نفسنا من الخطأ".

وأضافت "مي": "بغض النظر عن رأيك فيها، بغض النظر عن رأيي في الحصل ومن غير ما نحاسب ونحرم ونكفر، دي ممثلة قعدت سنين كتيير تقدم أعمال حلوة وناس كتير حبتها، حتي لو أنت مش منهم، أه ممكن نعترض علي الغلط بس مش بغلط أكبر، ممكن ننصح بس مش في العلن، خلينا ناخد الآيه كاملة، مش ناخد نص الكلام بس".

وتابعت "مي": "ربنا برضه غفور رحيم وديننا دين أخلاق ومعاملة قبل أي حاجه، استروا بعض يا جماعه ربنا يستر علينا ويعفينا ويرحمنا من أي خطأ، من ستر مسلما ستره الله في الدنيا والآخرة، ومن فك عن مكروب كربة فك الله عز وجل عنه كربة من كرب يوم القيامة، ومن كان في حاجة أخيه كان الله في حاجته".