بالصور| دعوات لـ"أوردرات وهمية" من أم حسن.. ونشطاء: ذنبه إيه الدليفري

تداول عدد من مستخدمي موقع التواصل الاجتماعي "فيس بوك"، منشورا لشاب ملتح يدعى فراس موسى، يضع صورة له مع الداعية المحبوس حازم صلاح أبو إسماعيل، يدعو فيه إلى مقاطعة مطاعم أم حسن، عبر طلب "أوردرات وهمية"، على عنواين وهمية، داعيا لمواجهة "سائق الدليفري" عند وصوله إلى العنوان الوهمي باتصال ساخر يحمل جملة "سلامتها أم حسن"، وذلك على خلفية أزمة المنتقبات التي حدثت بأحد مطاعم "أم حسن". 

وكتب الشاب عبر حسابه على "فيس بوك": "عاش يا شباب النهاردة فيه 6 عملوا الفكرة اللي اتقال عليها، اتصلوا بمطعم أم حسن وعملوا أوردر وهمي في حدود من 600 إلى 1000 جنيه وقالوا عنوان وهمي، ولما وصل الدليفري للمكان واتصل بيهم طبعا قالوا ليه تعيش وتاخد غيرها علشان تعرف تعاملوا ستات كويس".

وأضاف: "الظريف في الموضوع، واحد من بتوع الدليفري حظه أغبر كان فيه معاه 3 أوردرات وهميه بأسامي وعناوين وهمية، كل ما كان يوصل لمكان ويتصل يقولوا له سلامتها أم حسن، آخر واحد كلمه بتاع الدليفري بيقوله السلام عليكم يا باشا وحياة أبوك ما تقولي سلامتها أم حسن اللي على التيلفون قاله إيه اللي أنت بتقوله ده عيب".

وواصل: "الدليفري قاله ربنا يطمنك يا باشا، أنا آسف أصل معايا أوردرين وطلعوا مضروبين في الآخر، حقك عاليا أنا جي لحضرتك، قاله بس نسيت أقولك حاجة قاله إيه، قاله سلامتها أم حسن، الدليفري قاله يا باشا كله ده علشان اللي حصل في مدينة نصر قاله أنت تقبلها على أهلك؟ بتاع الدليفري قاله لا، قاله خلاص سلامتها أم حسن".

وأنهى ما كتبه بجملة: "عاش يا شباب وسيله الضغط دي مع مقاطعة هتكبدهم خساير حلوة وتلبسهم في الحيط لحد ما يعتذروا اعتذار رسمي إحنا لو بنعمل كده علشان لما والدتك وإخواتك البنات يخشوا مكان زي ده يحترموهم #مقاطعه_أم_حسن".

الأمر قوبل برفض تام من نشطاء "فيس بوك"، حيث كتبت دليلة فريد: "يعني كذاب وغشاش وبتتفاخر بكدا كمان والعمال الغلابة ذنبهم إيه لاحول ولا قوة إلا بالله".

وعلقت ماجدة عطية: " لاحول ولا قوة إلا بالله دا اسمه لعب بأرزاق الناس حسبى الله فيكم إحنا فى رمضان ذنبه إيه بتاع الدليفرى الغلبان".ودون يوسف فريد: "وذنب بتوع الدليفيري الغلابة إيه، إنكم تعملوا معاهم كدا إيه القرف ده".وعلق تامر عبد الرحمن: "بوظتوا الموضوع وضيعتوا حق البنات والله بالفعل ده".

• أم حسن
• أم حسن