العروض فى رمضان مش بس سلع: فوانيس كمان

10:42 م | السبت 27 مايو 2017

العروض تتوالى، والخصومات تتسع لصنوف مختلفة، والأسر تبحث عما يلائمها من مشتريات غذائية، وفى طريقه لشراء الأرز من متجر أعلن عن خصم للكميات الكبيرة، صادف إسماعيل فى طريقه خطاطاً يُزيّن فانوساً بكتاباته ورسوماته، لثوانٍ قليلة وقف الشاب لمتابعة العمل على الفانوس الذى أخذ الطراز القديم، لكنه قبل أن يمضى أخبره الخطاط بأن ثمة عرضاً على الفانوس، لمن شاء تلوينه ورسمه والكتابة عليه بخصم يصل إلى 40%.

{long_qoute_1}

«الفوانيس القديمة اللى كانت بتتعمل بالصاج والحديد ويتلف عليها القماش الأبيض قدمت، وبقى قليل أوى اللى بيعملها» قالها إسماعيل عبدالتواب، الذى قرر صُنع واحد له يضعه أمام بيته. على بنك خشبى لا تخلو مساحة منه من أثر فرشاة ألوان، أو كتابة صغيرة بقلم أسود، جلس حسين نصر ممسكاً فرشاة ألوان يلون بها الفانوس الذى استقر أمامه، ماسحاً يده من بعض الألوان التى سقطت فوقها، ليشرب كوب شاى أعده له ابنه: «بقالى 35 سنة خطاط، وكان زمان زى دلوقتى باشتغل على اليفط بتاعة موائد الرحمن، أو أزين واجهة مسجد، دلوقتى كل ده بيتعمل بالكمبيوتر، فقلت أجذب الناس للفوانيس اللى بتتعمل من قماش».