عيادة بيطرية متنقلة لإنقاذ الحيوانات الأليفة

10:06 م | السبت 27 مايو 2017

صعوبة نقل بعض الحيوانات الأليفة من المنزل إلى العيادات البيطرية لفحصها، دفع 3 أطباء بيطريين إلى تكوين فريق طبى بيطرى متنقل «بِت باديز» لعلاج ونظافة الحيوانات الأليفة، خصوصاً ذات الحجم الكبير التى يصعب نقلها من المنازل، وذلك بنفس أسعار العيادات دون إضافة مصاريف التنقل.

«الكشف والاستحمام بـ100 جنيه ودى أسعار متوسطة بالنسبة للعيادات اللى بره.. وبنوصل فى مواعيدنا وبنروح فى أى مكان».. بحسب مصطفى بهى، 23 عاماً، أحد الأطباء المشاركين فى العيادة المتنقلة، وتكون الحقيبة الخاصة بالطبيب مجهزة لإسعاف الحيوانات فى حال حدوث طوارئ، كما أن العيادة تضم طبيبين أحدهما متخصص فى الباطنة والآخر فى الجراحة: «منقدرش نجرى جراحة فى البيت طبعاً وبناخد الحيوان ننقله بعد ما بنكون جهزناله أوضة عمليات فى أى عيادة خارجية بالاتفاق مع صاحبها». وتوفر العيادة حَجراً صحياً للأليف من خلال استضافته لدى بعض الأطباء: «الحيوان زيه زى البنى آدم بيتخنق ومينفعش نحبسه فى قفص طول ما هو تعبان.. عشان كده بناخده بيوتنا يخف ونرجعه تانى»، حيث يبقى الأليف حينها تحت الرعاية والملاحظة الطبية: «وده برضه من غير مقابل، اللى يهمنا صحة الحيوان وبنقدر جداً الناس اللى بتخاف على حيواناتها ولو مش معاها فلوس حق الكشف ماتدفعش»، ولاقت العيادة إقبالاً من أصحاب الحيوانات الأليفة الذين تواصلوا مع العيادة لإسعاف الحيوانات: «كل الخدمات الطبية والجرومينج اللى أليفك محتاجها هتتقدمله بكل عناية فى بيتك».