«السناتر» تسبق المدارس فى التدريب على «البوكليت»

09:54 م | الخميس 30 مارس 2017

سبوبة جديدة أضيفت للمراكز الخصوصية، شكلت عبئاً على أولياء الأمور، مع أن وزارة التعليم أعلنت أنه فى 5 أبريل المقبل ستعقد امتحانات تجريب «البوكليت» بمدارس الحكومة، لكن المراكز الخصوصية سبقت الوزارة فى ذلك وفرضت رسوماً على الطلاب لإجراء تلك الاختبارات، كما طبعت كتباً تشمل نماذج لتلك الاختبارات.

{long_qoute_1}

«أساساً العيال ما بتروحش المدرسة ومقضياها دروس».. قالها فتحى عطية، أب لتوأم بالثانوية، مشيراً إلى أنه مع سماع كلمة «البوكليت»، فإن ولديه طالباه بقيمة الذهاب لمركز خاص لحضور اختبار تدريب على «البوكليت»: «يعنى بندفع دروس بالعافية وقلنا ماشى، لكن كمان يبقى فيه سبوبة تطلعلهم من ورا البوكليت.. ده افترا»، واعتبر الأب، الموظف بإحدى الشركات الخاصة، أن دخله هذا العام يذهب لولديه بالقسم العلمى: «20 جنيه عشان بس يمتحنوا ساعتين ويتعرفوا على طبيعة البوكليت، غير إن المادة الواحدة أصلاً الدرس فيها بـ80 جنيه، غير مصاريف الكتب والتصوير والملازم».

أحد العاملين بمركز للدروس، أوضح أن الطلاب فى حاجة إلى فهم طبيعة «البوكليت» بقدر كافٍ، وهو ما بدأ فيه منذ أكثر من شهر: «الوزارة اتأخرت وإحنا سبقنا، وقلق الطلاب كان دافع لكتير منهم يجولنا عشان امتحان البوكليت بس».

العبء الجديد، الذى ابتدعته المراكز الخصوصية، فى نظر محمد سيد، طالب الثانوية بالجيزة، يستحق الدفع من أجله: ماعنديش ثقة فى كتب الوزارة زى الكتاب الخارجى، وما بروحش المدرسة أصلاً وعشان كدا بادور على بديل، حتى لو هيمتحنونا فى المدرسة، فالوقت اتأخر وكان لازم نروح مراكز ونشوف النماذج، فيه مدرس بيديهولنا ببلاش ومدرس تانى بيقول عايز 15 أو 20 جنيه عشان الطباعة»، أما الطالب لؤى إسماعيل، فقال إن المسألة لا تتعلق بالدروس فقط: «فيه كمان كتب اتعملت عشان خاطر البوكليت، والكتاب الواحد بـ20 جنيه، وأنا عندى 7 مواد».