علاء عابد لوزير السياحة: خلى قراراتك مصيرية مينفعش نشتغل على ردود الفعل

07:17 م | الأحد 26 مارس 2017

قال النائب علاء عابد، رئيس الهيئة البرلمانية لحزب المصريين الأحرار، إنه سيرفض أى منصب وزارى، يُعرض عليه، إذا لم يكن لديه سلطات وصلاحيات.

جاء ذلك خلال اجتماع لجنة السياحة والطيران المدنى بمجلس النواب، برئاسة النائبة سحر طلعت مصطفى، بحضور يحيى راشد، وزير السياحة، وعدد من مستثمر قطاع السياحة.

وقال عابد، للوزير بلهجة حاسمة: يجب أن يكون لديك قرارات مصيرية وقوية، وشوف إنت عايز ايه، واطلبه مباشرة من الرئيس وحكومتك، أنا شخصياً لو اتعرض علي أى منصب وزارى، مش هقبله، إلا لما يكون عندى صلاحيات واسعة فى اتخاذ القرارات.

وشدد على ضرورة، وضع استراتيجية واضحة للنهوض بالسياحة، مضيفاً: لو مفيش استراتيجية لو جبنا 20 وزير، مش هيعملوا حاجة للقطاع ده.

وقال عابد، غاضباً: مينفعش نبقى شغالين على ردود الافعال وبس، احنا شكلنا فى الخارج، إننا دولة ليست أمنة بالمرة، دى مصيبة سودة، عايزين استراتيجية، والقضاء على الروتين والبيروقراطية، عشان ربنا يسترها معانا.