بالفيديو| السيسي للشباب: "أي فراغ في السلطة مش حايتملي بالشكل اللي يرضيك"
الرئيس عبد الفتاح السيسي
قال الرئيس عبد الفتاح السيسي إن الشعب المصري أراد التغيير فعلا في 2011، بصرف النظر عما حدث في الدول الأخرى، وكان الشعب المصري يهدف للأفضل.
وأضاف الرئيس، خلال لقائه مع شباب البرنامج الرئاسي أمس: "أي تغيير مش تحت السيطرة لا تضمن نتائجه، اللي حصل بعد التغيير فراغ، استغلته القوة اللي جاهزة في الوقت ده وخدت الفرصة، هل انتم يا مصريين كنتم مستعدين للتغيير ده؟ طب الناس اللي تولت المسؤولية في الوقت ده كانت بتقود مصر ولا بتقود نفسها؟ لأنك لو ميزت نفسك وقلت انا حاجة والمصريين حاجة ده مش صح، وبيعمل مشكلة كبيرة في وقت مصر كانت بتواجه تحديات أكبر من ان فصيل او حزب واحد يواجهها".
وتابع السيسي: "بمنتهى التجرد والموضوعية لو كانوا اتحركوا لمواجهة التحديات اللي بتواجهها مصر ما افتكرش الموضوع كان حايبقى كده، إنما هما اتحركوا في اتجاه الاستحواذ على مؤسسات الدولة، والدخول في صراعات مع الكل، الناس قالت لا البلد حاتتخرب، أنا أتصور إن النضج ما كانش كفاية، وبالنسبة للربيع العربي مادام حصل فراغ فمش حايتملى بالشكل اللي يرضيك".