لو كنت مكانه: شاب دخل مشروع ولم يحقق النتائج المطلوبة؟
لو كنت مكانه: شاب دخل مشروع ولم يحقق النتائج المطلوبة؟
- لأول مرة
- محمد المصرى
- نسبة نجاح
- أحمد طنطاوى
- أكبر
- أهم
- لأول مرة
- محمد المصرى
- نسبة نجاح
- أحمد طنطاوى
- أكبر
- أهم
محمد المصرى، 25 سنة: هحاول أطلع بأقل الخسائر وهتعلم من خطئى وأبدأ من جديد.
صالح بدر، 29 سنة: مش هيأس تماماً وهاخدها كتجربة وأستفيد منها، وأبدأ فى مشروع تانى يكون مضمون وواثق منه أكتر.
بسمة طارق، 20 سنة: هاتقبل الخسارة وأعيد حساباتى وخطواتى مرة تانية، وأشوف العجز حصل بسبب إيه، عشان أبدأ تانى من جديد.
خلود مجدى، 22 سنة: هاغيّر طريقة التخطيط وهابدأ بشكل جديد، وأهم حاجة هاركز على الدعاية.
عبدالرحمن أسامة، 21 سنة: هفضل مكمل فى المشروع لحد الآخر لأن عدم الوصول للنتائج المطلوبة مش مؤشر للفشل، بل بالعكس ممكن تاخدنى فى اتجاه نجاح آخر.
أحمد طنطاوى، 24 سنة: لو فيه إمكانية هابدأ من جديد ولو ما فيش هابدأ فى مشروع يكون نسبة نجاحه أكبر.
مصطفى حمادة، 19 سنة: هاراجع أساس المشروع لأن معظم المشاريع اللى بتفشل بيكون غالباً الأساس فيه حاجة غلط، وهابقى مصمم على بدء المشروع تانى.
أحمد عبدالحميد، 23 سنة: قبل ما أبدأ فى أى مشروع بأبقى عارف إن نسبة الفشل كبيرة جداً، خصوصاً لو لأول مرة ومش هأيأس.
