سيلفى «بابا نويل» بـ«2 جنيه»

08:34 م | الأربعاء 28 ديسمبر 2016

مجسم لـ«بابا نويل» يخطف أنظار المارة، إذا ما اقترب منه أحد وجد ورقة بيضاء مكتوباً عليها «صورتك سيلفى مع بابا نويل بـ2 جنيه»، يتجاهلها أحدهم ويخرج هاتفه المحمول ليلتقط صورة، لكنه يفاجأ بصاحب المحل واقفاً فوق رأسه «يعنى لا عارفين نبيعه ولا نستنفع منه».

حالة الركود التى أثرت على بيع هدايا رأس السنة، بسبب ارتفاع الأسعار هذا العام، دفعت أصحاب محال الهدايا إلى الاستفادة من «بابا نويل» المركون فى محالهم، بتخصيصه للتصوير مع الزبائن مقابل «2 جنيه» للصورة، هكذا تغلب شادى منير، صاحب محل بمنطقة صقر قريش، على الأزمة: «الأسعار السنة دى مضروبة فى 3 ولو كنت أعرف ماكنتش اشتريت، شجرة الميلاد اللى كنت بابيعها بـ10 دلوقتى بقت بـ40 جنيه، وبابا نويل أصغر حجم بـ55 جنيه، ومفيش حد بيشترى ولا بيقرب من المحل». الخسارة التى لاحقت «شادى» يعانى منها «أمجد» صاحب محل «سانت كلوز» بمنطقة دار السلام، ما دفعه لتعليق الورقة نفسها: «أنا اشتريت بضاعة بـ15 ألف جنيه ومكومة عندى والسنة الجديدة خلاص فاضلها كام يوم ومفيش حد بيشترى.