مخرج "بائع البطاطا المجهول" يتحدث عن منع الفيلم في "دبي السينمائي"
مخرج "بائع البطاطا المجهول" يتحدث عن منع الفيلم في "دبي السينمائي"
- إدارة المهرجان
- تارا عماد
- خالد أبو النجا
- عرض الفيلم
- فريق عمل
- مشاكل فنية
- مهرجان دبى
- إدارة المهرجان
- تارا عماد
- خالد أبو النجا
- عرض الفيلم
- فريق عمل
- مشاكل فنية
- مهرجان دبى
تحدث أحمد رشدى مخرج فيلم التحريك "بائع البطاطا المجهول"، المستبعد من الدورة الـ 13 من مهرجان دبى السينمائي الدولى، عن كواليس منع عرض الفيلم قبل عرضه بيوم واحد دون اففصاح عن أسباب من جانب إدارة المهرجان.
قال "رشدي"، عبر حسابه على "فيس بوك": "في الأول أحب أقول للناس إن تم تبليغنا بعدم عرض الفيلم، قبل العرض الرسمي بـ 24 ساعة، وتم إلغاء كل الفيز سواء لتارا عماد أو لخالد أبو النجا، كمان ومش هعقد اتكلم قد ايه الموضوع كان صادم بالنسبة لنا، وقضيت أنا وفريق عمل الفيلم كام يوم من الحزن بس ده مش مجرد من انه مطب جامد شويه في طريق الفيلم".
تابع: "طبعا طلعت تصريحات في سرعة البرق أن نسخة الفيلم تعاني من مشاكل فنية، ولكن للأسف مش حقيقي ومعايا ما يثبت أن تم تسليم نسخه تم الموافقه عليها من قبل المهرجان يوم 20 نوفمبر".
وفيما يتعلق بالصمت عن تلك الواقعة من قبل فريق عمل الفيلم، أضاف المخرج: "لو عايز أكل عيش على موضوع منع عرض الفيلم ده، وأني مضطهد وضحية، دي أسهل حاجه في الكون والناس كلها عارفة ده والصحفييين أما بيصدقوا، بس انا عامل فيلم وعارف عواقبه كويس أكتر من أي حد، ومن غير شعارات فارغة هفضل أكمل اللي بعمله في العالم المجنون اللي عايشين فيه ده وأنا عايش عشان الحلم ده وهى دي المتعة الحقيقية بالنسبه لي وبالنسبه للناس اللي معايا، وهنفضل نعمل حاجات الناس مختلفه في السينما والناس تحبها، والفيلم رسالته إنسانية لأبعد الحدود".
