مدحت العدل يرثى شقيقه "سامي" بقصيدة على "فيس بوك"
مدحت العدل يرثى شقيقه "سامي" بقصيدة على "فيس بوك"
نشرت الصفحة الرسمية، للسيناريست مدحت العدل، عبر موقع التواصل الاجتماعي "فيس بوك"، قصيدة رثاء لشقيقه الراحل سامي العدل، عبر فيه عن مدى اشتياقه له وفقدانه لرحيله الذي كان في 10 يوليو 2015.
وكتب: "نمرة ع التليفون صاحبها مش موجود
هو ف لحظة اختفى وهي ليها وجود
كل ما أقول امسحها إيديا تخذلني
مكتوبلنا نفترق وبينا خيط مشدود
علمني أكون طيب مهما الصحاب خانوا
وكل شيء هين والشرفا بيبانوا
وهو كان السهل ف صعوبة الدنيا
وكان كمان الحياة والكون وألوانه
الصوت اللي كان عالي أجش خلاص
ساكت كما الحزن النبيل للناس
والرهبة مالية المكان بالموت
إحساس مايتوصفش يا غربة الإحساس
وكان شريك الألم والشوق وأحلامي
وهو اللي مد إيديه ف فجر أيامي.
