انتعاشة فى سوق الكرنب بالوايلى: شعب يحب المحشى
![«أم دينا» بائعة الكرنب فى سوق الوايلى](https://watanimg.elwatannews.com/image_archive/840x473/13838450261481827891.jpg)
«أم دينا» بائعة الكرنب فى سوق الوايلى
سوق متخمة بباعة وبمشترين جاءوا من أماكن مختلفة لشراء الكرنب من سوق الوايلى، فالسوق التى تقع فى منطقة الوايلى بالقاهرة اشتهرت ببيع الكرنب الطازج الذى اقتلع لتوه من أراضى قريتى «جزيرة الحجر» بالمنوفية و«صفط الحرية» بمركز إيتاى البارود بالبحيرة، ما إن تدخل العربات المحملة بأكلة الشتاء المحببة للمصريين حتى يهرع إليها الزبائن الذين جاءوا إلى السوق لشرائها بسعر أقل بكثير من الموجود فى الأسواق الأخرى.
من ستينات القرن الماضى، يقف عبده فرج، فى السوق لبيع الكرنب، يستقبل كل صباح عربات النقل والكارو المحملة بالكرنب لإفراغها فى محله وبيعها جملة وتجزئة: «ببدأ شغلى فى السوق من الفجر، العربيات بتيجى الصبح محملة بالكرنب ونبدأ فى تفريغها ونقل البضاعة للمحل، أكتر من 50 سنة فى المهنة دى، لكن بيع الكرنب موسمى، بيزيد الإقبال عليه فى الشتا، خاصة فى أيام الأربعاء والخميس والجمعة، عشان أجازات، والأسرة المصرية بتحب تتجمع على طبق محشى سخن».
الكرنب الموجود فى الأسواق الأخرى بأسعار تتراوح بين 10 و15 جنيهاً، تبيعه «أم دينا»، إحدى البائعات فى السوق، بأسعار تتراوح بين 4 و8 جنيهات فقط: «إحنا أصل الكرنب، بنبيع بأسعار جملة، والباعة بياخدوا مننا وبيبيعوا بأسعار أعلى»، مؤكدة أن أنواع الكرنب كثيرة، منها الجنزورى والبلدى والصوب.
رغم الإقبال الكبير على السوق، فإن كريمة أحمد، بائعة الكرنب، ترى أن الإقبال أقل من كل عام: «الزبون مات والشرا أقل بكتير من الشتا اللى فات واللى قبله»، تبيع «كريمة» بأسعار تتراوح بين 3 و8 جنيهات، وتعتبر نفسها صاحبة أقل أسعار فى السوق: «المحشى دلوقتى بيكلف، مش زى زمان، الرز غالى والطماطم والبصل والزيت ده غير الخضرة، يعنى حلة المحشى ممكن تكلف 30 جنيه قرديحى من غير لحمة.. كتر خير الناس».