طلاب «طب عين شمس» خلعوا البالطو الأبيض.. وغنوا

07:30 م | الجمعة 09 ديسمبر 2016

يوم من عمر طلبة كلية الطب بجامعة عين شمس، خلعوا «البالطو الأبيض»، ونسوا الامتحانات والمذاكرة والمعامل والتحاليل، وأمسكوا بالميكروفون لإظهار مواهبهم فى مجالات عدة، وهو اليوم الذى نظمته أسرة «حدوتة مصرية»، لاكتشاف مواهب الطلبة فى مجالات الشعر، الغناء، التمثيل والعزف. شارك فى العرض أكثر من 800 طالب وطالبة، بحضور الدكتورة هند هلال منسق النشاط الطلابى، وفاطمة على مديرة رعاية الشباب، وعدد من الأساتذة ورؤساء الأقسام، وفاز فى نهاية العروض كل من سمية نشأت وعبدالله سيف.

كان الهدف من إقامة العرض، حسب أحمد نشأت، رئيس مجلس إدارة أسرة «حدوتة مصرية»: «هدفنا إننا نبين للناس أن حياة طالب كلية الطب مش مذاكرة بس، لأ إحنا بنعرف نهزر، نضحك، نلعب ونغنى، وعندنا مواهب، كليتنا صعبة والمذاكرة كتيرة لكن بنمارس حياتنا بشكل طبيعى، وبنطلّع من جوانا المواهب حتى لو كانت بسيطة». تذكرة الدخول للمشاركة فى العرض كانت 25 جنيهاً: «عائد اليوم بالكامل تم تخصيصه لعمل مشاريع خيرية، هنتبرع بجزء لمستشفى الدمرداش، والجزء الآخر لمستشفى 57357، وهنعمل مشاريع تانية الفترة اللى جاية».

لأسرة «حدوتة مصرية»، أهداف لخدمة الجانب العلمى والاجتماعى والخدمى، أما يوم عروض المواهب فكان من ضمن الجانب الترفيهى: «طول السنة بنحاول نقدم شىء جديد، بنزور دار أيتام، مستشفيات، بنحاول نهتم بالثقافة والفنون، إحنا ما بنصدق نلاقى متنفس ولو بسيط، عشان نعمل حاجة تانى غير الدراسة والمذاكرة».