كلاكيت ثانى مرة.. السكر يختفى من الأسواق

08:55 م | الأحد 04 ديسمبر 2016

واصل السكر اختفاءه من الأسواق والسلاسل الكبرى مرة أخرى بشكل كامل، ووصل سعره فى بعض الأسواق قبل اختفائه إلى 13 جنيهاً للكيلو الواحد، ليجد المواطن المصرى نفسه فى مأزق حتى يتمكن من الحصول على كيس سكر واحد.

{long_qoute_1}

قامت «الوطن» بجولة على الأسواق وسلاسل بيع المواد الغذائية للبحث عن السكر، واتضح غياب السكر بشكل كامل منذ أسبوع تقريباً لدى غالبية الأسواق وأكثر من أسبوعين فى أماكن أخرى، وأكد العاملون بتلك السلاسل أن عدم وجود السكر ليس أزمتهم فقط، ولكنها أزمة طالت غالبية السلاسل والفروع، واتفق جميعهم على عدم معرفتهم بالوقت الذى سيأتى فيه إليهم كميات من السكر مرة أخرى.

يقول أحد العاملين فى فرع «بيم» الذى يقع فى شارع مصدق بالدقى: «السكر مش بينزل عندنا فى السلاسل بقاله فترة كبيرة، وآخر مرة نزل فيها سكر كان سعر الكيلو 7 جنيه ونص، لكن ده كان من فترة كبيرة جداً، ومش هتلاقيه خالص دلوقتى، لأنه موجود فى أماكن محدودة جداً»، وفى إحدى سلاسل محلات «كازيون» رد الموظف ساخراً على سؤال عن السكر: «ده إحنا أصلاً عايزين»، ويستطرد: «هو أصلاً مش بينزل لنا بقاله أسبوعين أو ثلاثة تقريباً وكان سعر الكيلو فى الوقت ده 8 جنيه».

{long_qoute_2}

وفى أحد فروع سلاسل «مترو» قالت إحدى العاملات على الكاشير: «السكر مش موجود بقاله أسبوع عندنا، وكان سعره قبل الأسبوع ده 13 جنيه للكيلو الواحد»، وعن الوقت الذى سيوجد فيه السكر مرة أخرى فى ذلك الماركت أضافت: «مش عارفين السكر هييجى تانى إمتى وإحنا قاعدين أهو مستنيينه». وفى «أسواق الحبايب» الذى يبيع بالجملة، يقول أحد العاملين: «ما عندناش سكر وهو أصلاً مختفى بقاله شهر ونص، ومش هتلاقيه بره كتير ولو لاقيته أصلاً مش هتلاقيه أقل من 12 جنيه للكيلو الواحد».

وفى أحد فروع «خير زمان» قال أحد العاملين به: «السكر مش موجود بقاله شهر تقريباً وقبل الشهر ده كان سعر الكيلو 8 جنيه ومن ساعتها ومش بييجى لنا سكر خالص، ومش عارفين هينزل لنا سكر تانى إمتى». وفى سوبر ماركت «سعودى» أوضح مدير الماركت للمواطنين الذين يسألون على السكر أنه غير موجود حالياً، لأن الكميات الموجودة تم بيعها فى الصباح، وسيتم وصول كميات أخرى من السكر على الساعة الواحدة ظهراً بسعر 7 جنيهات ونصف للكيلو الواحد.