بالصور| أحمد داوود يتعلم "الجيتار": "متحمس بالتجربة"
بالصور| أحمد داوود يتعلم "الجيتار": "متحمس بالتجربة"
ذكر الفنان أحمد داوود، عبر حسابه الرسمي على موقع التواصل الاجتماعي "إنستجرام"، قصة حبه للجيتار، ورغبته في التعلم.
وكتب داوود، بتدوينته: "وأنا في المدرسة كان نفسي أوي اتعلم جيتار .. بس حظي الوحش وقعني في مدرس مزيكا واضح أنه كان بيشتغل الشغلانة غصب عنه .. أول ما شفني قالي جيتار اية اللي انت عايز تلعبه مينفعش.. قلته ليه حضرتك ! قالي انت صوابعك صغيرة مش هينفع .. انت تلعب ماندولين".
وأضاف "داوود": "واللي ميعرفش الماندولين هي آله ولا هي جيتار ولا هي عود هي حاجة كده شبه لعب الأطفال وعمري ما شفتها في أى حتة بره المدرسة.. يعني الشيكولاتة أشهر منها بكتيير.. وطبعا اتعقدت منها ومن المدرس ومن أوضة المزيكا كلها".
وتابع "النهاردة بدأت أول درس جيتار في حياتي.. والحمد لله المدرس قالي صوابعك حلوة وتنفع.. متحمس جداً ومبسوط بالتجربة".
