بالصور| مي كساب تبدي رأيها في طلاق أنجلينا من براد بيت
مي كساب
أبدت الفنانة مي كساب، عبر حسابها الرسمي على موقع التواصل الاجتماعي "إنستجرام"، رأيها في طلاق الفنانة أنجلينا جولي من الفنان العالمي براد بيت.
وشاركت كساب، منشور لإحدى الفتيات، معلقة: "الست دي يا جماعه بتقول شويه جمل مش طبيعية آه طويلة وشوية..غاده كريم ربنا يكتر من أمثالك الحساسين الحقيقين".
وجاء بالمنشور مايلي: "الستات اللي شيرت خطاب براد بيت الرائع اللي دعم فيه انجلينا جولي في مرضها لحد ما استعادت رونقها .. هما اللي شتموه النهارده لما خانها ! أعتقد أنه كسر قلوب ستات كتير وليس زوجته فقط..الحب في وجهة نظري له دورة حياة بيتولد يكبر يمرض يزدهر يموت..الناس المحظوظة اللي حبها لا ينتهي حالتين وبس كل ما بيتغيروا هما الاتنين بيقعوا في غرام بعضهم من جديد الناس اللي بيموت طرف فيهم قبل القصة ما تخلص فيفضل بطل في عين الاخر..لكن غير كده .. كل حاجة بتاخد وقتها الطبيعي نقابل حد يعجبنا، نشاغله ونحبه، نتجوز ونخلف، نعيش المشاكل والازمات، ينضج الحب أو يتكسر!".
وأضافت: "الخيانة هي سكين بارد في القلب بيوجع وما بيموتش .. شئ بشع بلا رحمة بيجيب حياة البشر نصين من الوجع وللاسف ماحدش بيملك الشجاعة قبل ما يخون يمشي ويعترف أنه بطل يحب .. والابشع أن الخيانة بتكون لانه مبطلش يحب لكن بيحب نفسه اكتر .. فبياخد لفة يدلعها وراجع".
وتابعت "لا شئ أصبح يصيني بالذهول .. لا الناس اللي اتجوزت عن حب واتطلقت ولا أن براد بيت بعد كل الحب ده خانها..وأساسا الولية اخدته من جينفر فالحرام مابيدومش ..كل واحدة تسيب جوز صاحبتها في حاله يا جدعان .. اتعظوا".