60 «صنايعى» يواجهون الركود بنشر أرقام هواتفهم على مواقع التواصل

08:39 م | الثلاثاء 26 يوليو 2016

60 حرفياً من مهن وأماكن مختلفة، قرروا أن يواجهوا حالة الركود التى تشهدها الصناعات الحرفية بجمع أرقام هواتفهم ونشرها على موقع «فيس بوك»، كنوع من الدعاية والترويج لأنفسهم بطريقة جديدة تجذب الزبائن. «كهرباء، سباكة، نقاشة وأعمال ديكور، نجارة، تنجيد وتركيب ستائر، تفصيل بياضات».. جزء من المهن التى يعمل فيها الـ«60 صنايعى»، الذين جمعوا أسماءهم ومهنهم وأرقام هواتفهم فى جدول واحد، ونشروه فى صفحة أطلقوا عليها اسم «صنايعى»، ليحظوا فى أقل من يوم بآلاف الإعجابات، ومئات المشاركات والاتصالات على هواتفهم الخاصة، بحسب مجدى المولة، منجد ومتخصص فى تركيب الستائر، وصاحب الفكرة.

استقبل «مجدى» عدداً من الرسائل والاتصالات العديدة على هاتفه المحمول بمجرد النشر، زبائن يطلبون منه مواعيد للتنجيد بأماكن متفرقة: «فوجئت بعدد الناس اللى كلمتنى، ومفيش مكالمة واحدة مرديتش عليها، أكتر من 50 مكالمة فى اليوم، ومعظمهم عرائس جداد، اللى بيعرف أسعارى واللى بيتفق معايا على طول». لا أحد من أصحاب هذه المهن يمتلك محلاً: «إحنا صنايعية على قد حالنا، مفيش واحد فينا عنده محل، وطول الوقت كنا بنستنى زبون فى اليوم بعد ما الجاهز بقى عليه الطلب أكتر، عشان كده فكرت أجمع الصنايعية اللى قدرت أجمعهم ونشرت أرقامهم»، لم يتوقع «مجدى» وزملاؤه الانتشار السريع لأرقام هواتفهم بين طبقات مختلفة من الزبائن.