بالصور| شباب "كفور الغاب" ينظمون إفطارا جماعيا في دمياط

02:54 م | الجمعة 17 يونيو 2016

نظم شباب "رابطة كفور الغاب"، حفل إفطار بحضور معظم أهالي القرية التابعة لمركز "كفرسعد".

ويقول الدكتور محمد الفنجري أحد المنظمين، جاءت لنا فكرة تنظيم حفل إفطار جماعي بعد الانتهاء من تجميل مدخل القرية، وقولنا لأنفسنا "ليه ما نجمعش كل الشباب اللي اشتغل في تجميل المدخل، ونفطر مع بعض في أول أسبوع من رمضان، وفي المكان اللي تعبنا في تجميله واشتغلنا فيه شهرين وأكثر وتحولت الفكرة من إفطار لمجموعة شباب لإفطار كل أهالي كفور الغاب فطار يجمعنا ما يفرقناش فكرنا أننا لازم نكون على قلب رجل واحد".

وتابع، "فكرنا في صلة الأرحام فكرنا في الوحدة، وبث روح الإخاء والمودة والرحمة، بيننا جميعا فكرنا أننا نبدأ بداية جديدة بداية نكون فيها كلنا، مع بعض وطبعا الناس اللي بنعتمد عليهم، وبيدعمونا دعم قوي جدا سواء دعم مادي أو معنوي لم يتأخر أي منهم عن دعمنا، واستجابوا للفكرة وشجعونا وساهموا معانا ومعاهم كتير من أهل الخير اللي دايما ما بيتأخروش عن أي عمل فيه خير للبلد".

ويضيف محمد، "نوايانا كانت خالصة لله تماما حتى كلل الله مجهود الشباب بالتوفيق في هذا اليوم، وتوزيع عدد كبير جدا من الوجبات على أهالينا في كفور الغاب لغير القادرين على الحضور ومشاركتهم معنا الإفطار".