الـ«كابويرا» من البرازيل
في فترة بعد القرن الـ16 كان المستعمرون البرتغاليون في البرازيل، بيجيبوا الأفارقة كعبيد علشان يشتغلوا في مستعمراتهم في زراعة السكر والقهوة. وابتكر العبيد في محاولة منهم للتحرر والهروب من العبودية فنًا قتاليًا جديدًا "في أقوال أنه فن كان موجودًا في إفريقيا من الأصل، وتم تطويره وانتقل مع العبيد، وقام أساتذة كثيرون في الكابويرا بدراستها في محاولة لربط أصولها بإفريقيا".
"الكابويرا" هي اندماج الثقافات والرقص بالفنون القتالية والموسيقى بإيقاعات مختلفة اللي جابوها العبيد الأفارقة للبرازيل من بلادهم وحضارتهم. الفكرة فيها إنها بين القتال والرقص، ومغلفة بطابع موسيقي وإيقاعات علشان يقدروا يهربوا وفي نفس الوقت ما يتمسكوش وهما بيدربوا عليه كنوع من التجهيز للثورة ضد المستعبدين، وكمان بيخليهم يقدروا يعيشوا في الخلاء ويتعايشوا مع الظروف الصعبة ويتعاملوا وسط الحيوانات الخطيرة بعد الهروب.
بعد انقضاء فترة العبودية كان بعض الناس بتستخدم الكابويرا لارتكاب جرائم، ويقال إن بعض السياسيين ورجال الأعمال كانوا بيستخدموا لاعبيها الأقوياء في ارتكاب جرائم، وإنها ساهمت بذلك في تشكيل السياسة في هذا الوقت. وتم تحريمها ومنعها ومعاقبة لاعبيها، وبعد انتهاء العنصرية عادت مرة أخرى كفن من أجمل وأقوى فنون الدفاع عن النفس.
"الكابويرا" في العصر الحديث أصبحت مش مجرد فن للدفاع عن النفس بس، الفكرة إن لعبة واحدة ممكن تقدر تخليك تتعلم ثقافة ورياضة جديدة، وفي نفس الوقت هي كرياضة بتنمي عندك القوة واللياقة، مرونة الجسم، القدرة على التوازن، القدرة على التركيز والثقة في النفس.
الرياضة دي موجودة في بلاد كتير عالميا وللأسف مش مشهورة بالشكل الكافي في الوطن العربي بس موجودة في مصر، فيه مدرسة "كابويرا برازيل" في نادي السلاح في مصر بتدرب 3 أيام في الأسبوع، وهي الأحد والثلاثاء والخميس، والمدرب من المكسيك ولمعلومات أكتر ممكن تزوروا صفحتهم على https://www.facebook.com/CapoeiraBrasilEgypt/
هاحكيلكم بقى عن السفر للبرازيل بلد "السامبا"، وهتكلم عن السفر إلى ريو دي جانييرو، أحسن فترة لزيارة البرازيل هي من ديسمبر لمارس علشان تستمتع بالجو الدافئ والشمس، وتقدر تستمتع بالشاطئ.
في مهرجان برازيلي في 2017 هيبتدى 24 فبراير، وده تقدروا تقولوا كده زي مهرجان لتوديع اللحوم قبل الصيام، وقبل إجازات الربيع بيحضره نحو مليون شخص في السنة، وطبعا الناس بتحتفل بالرقص على إيقاعات السامبا في الشوارع. لمعلومات أكتر ممكن تزور http://www.rio-carnival.net/
أسعار تذاكر الطيران في الوقت ده "من ديسمبر لمارس" بتبدأ من 3900 جنيه. "احجز من هنا www.travelstart.com أو من هنا www.skyscanner.com"، والجميل في الموضوع إن أسعار الهوستيل بتبدأ من 113 جنيها في الليلة، والأوتيلات من 150 جنيها في الليلة في حجرة مزدوجة، وممكن 180 جنيهًا لو عايز حاجة على منظر جمالي زي جبل مثلا.
"ناشيونال جيوجرافيك" عاملة موضوع عن إيه ممكن تعمله ببلاش في ريو دي جانييرو، وممكن تدخله من هنا http://travel.nationalgeographic.com/travel/free-things-to-do-in-rio/
وده موقع عن إيه اللي ممكن يتعمل هناك على حسب ميولك إذا كنت بتحب الفن أو الأماكن الرومانسيه أو الأماكن الطبيعية الخلابة أو رحالة أو كنت بتحب الرياضة http://brazil.com/
كمان الموقع ده فيه معلومات عن أهم المعالم السياحية زي تمثال "المسيح المخلص"، وكمان معلومات عن طرق وأنواع المواصلات هناك http://wikitravel.org/en/Rio_de_Janeiro
أتمنى ليكم رحلة جميلة موفرة وموفقة ترضي جميع الأذواق.. لمعلومات أكثر عن رحلاتي وسفري زوروا صفحتي
