"حصان" و"مزمار بلدي" داخل هندسة المنصورة احتفالا بتخرّج دفعة

02:39 م | الأربعاء 11 مايو 2016

"حصان، ومزمار بلدي، وساحر، وكسر قلل، وألوان ومسابقات"، هكذا احتقل طلاب CIE وBCE بكلية الهندسة جامعة المنصورة بتخرجهم في آخر أيام لهم بمبني البرامج النوعية داخل الكلية.

تجمع طلاب الفرقة الرابعة بالكلية يرتدون زي موحد "تي شيرتات سوداء" بالكلية في يوم أطلقوا علية "تعالا واتفرج إحنا بنتخرج"، وتجمع عليهم طلاب الكلية فرحا باحتفالاتهم.

وأحضر الطلاب "حصان" ودخلوا به إلى ساحة الكلية، وطافوا به طرقاتها، ورقصوا معه على أنغام المزمار البلدي، وأطلقوا الألوان الصناعية في الهواء، وانتقلوا بعدها إلى الساحة الخضراء ونظموا العديد من الألعاب.

وعبر طلاب الكلية عن فرحتهم بالتخرج وقال "الدفعة دي بجد هتأثر معانا جدا، من أحلى الشخصيات اللي في الكلية كلها، طبعا BCE مين قدهم أول دفعة يعني الناس اللي هتشرف سمعتنا في سوق العمل". وأضافوا أن "أحسن لحظة فعلا كانت حضور الحصان والمزمار، فرحتنا كلنا ويارب كلنا ننجح ونحتفل بالشهادة".

وعلق عليهم زملاؤهم السابقين "على أيامنا لما دخلنا D.G كأننا دخلنا كابريهات الجامعة، وهي الناس فرحانة بالتخرج كده ليه والله ولا يوم من أيام الجامعة دي من الرغم من أنه طالع عيننا الواحد بطنه بتوجعه من سيرة التخرج".

وتسابق طلاب الفرق الرابعة في كليات الجامعة في الاحتفال بتخرجهم، وحددت كل كلية يوما للاحتفال، فاحتفلت كلية التجارة وكلية العلوم، ونظموا احتفالات داخل وخارج الجامعة.

وقال أحد الطلاب عن احتفال كلية العلوم "سيبونا نفرح شوية من نفسنا، 4 سنين كلية وقبلهم 3 ثانوية عامة، وفى منا كتير لسه قدامه سنة كمان في الكلية، بس قرر يحتفل مع دفعته عادى، المهم يعنى اللي حصل في الحفلة صح غلط طالما مأذيناش حد يبقي خلاص".