بالفيديو| "سلك عاري" يصعق طفلا بسوهاج.. ووالدته: "لو ابن حد كبير مكنش حقه راح"

03:31 ص | الثلاثاء 10 مايو 2016

قال والد الطفل محمود، الذي مات صعقا بالكهرباء في أحد قرى شطورة في سوهاج، إن عمال شركة الكهرباء تركوا سلك الكهرباء العاري 14 ساعة، مؤكدا "ابني مات بسبب الإهمال".

وقال خلال مداخله مع الإعلامية إيمان الحصري على قناة "المحور": "ابني عنده 3 سنين كان معدي من تحت سلك الضغط العالي فوقع عليه وتوفي في الحال، سلك الضغط العالي كان مقطوع من بالليل لحد الصبح".

وقالت أم الطفل محمود "مفيش حد راضي يعبرنا ولا يقابلنا.. الإهمال في بلدنا موجود.. ابني مات عشان عمال الكهرباء مصلحوش العطل وسابوه فترة كبيرة".

وتابعت "أنا قلبي محروق على ابني، حسبي الله ونعم الوكيل.. لو دا ابن حد مهم في البلد مكنش حقه ضاع هدر.. بس عشان إحنا ناس غلابة.. أنا ابني مات قدام عيني".

وفي نفس السياق اعترف أيمن عبدالمنعم محافظ سوهاج، قائًلا: "أه بالفعل فيه مشاكل في الكهرباء في قرى سوهاج.. بس إحنا جبنا سلك جديد وهنركبه قريب".