بالفيديو| مدير المتحف المصري: استقبال الزوار مجانا في يوم التراث لتشجيع السياحة

06:01 م | الاثنين 18 أبريل 2016

قالت سمية عبد السميع مدير عام المتحف المصري، أن الدكتور خالد العنانى وزير الآثار أصدر قرارا بفتح المتحف مجانًا للمصريين والأجانب المقيمين، تشجيعًا للسياحة وتشجيعًا لمعرفة التراث المصري القديم ومعرفتهم بآثار بلادهم، بمناسبة اليوم العالمي للتراث.

وأضافت مدير عام المتحف المصري، في تصريحات صحفية، أن المتحف يقيم مسرحية في الحديقة الخاصة به، وتوجد زيارات تعليمية للمدارس، مستكملة: "الحمدلله اليوم جميل وعدد الزوار كتير جدا ودي حاجة تبسطنا كلنا يعني، وعلى قد ما بنقدر بنحاول ندي في المتحف، وربنا يقدرنا على أننا نحافظ على تراثنا وتراث أجدادنا".

معربة عن تمنيها بأن يأتي جميع المصريين للمتحف و"يشوفوه، والحمدلله مستوى النظافة بقى كويس جدا فيه، يعني ممكن بعد الضهر الولاد يجوا يستمتعوا باليوم ده".

من جانبها، أشارت شيرين أمين مدير عام متحف الطفل بالمتحف المصري، إلى أن الأمم المتحدة تحتفل بتراث الإنسانية، لذا نحتفل هنا باليوم العالمي للتراث الثقافي، من خلال تقديم جولات تعليمية في المتحف المصري ومتحف الطفل، إضافة إلى مسرحيات تلقي الضوء على التراث.

وتابعت: "الصبح تم عمل جولات تعليمية في المتحف المصري من المدارس منهم من محافظات مختلفة، لأن الدخول النهاردة مجاني، منذ بداية الجولات من الساعة 10 إلى 11 ومن الساعة 12 بتبدء المسرحيات اللي بتركز على حماية التراث الثقافي، وبعد كدة العرض الأثري للمكفوفين، وبعد كدة العرض التاني لمسرحية لفرقة اسمها (فرقة)".وقالت سيدة صفوت، مديرة القسم التعليمي بالمتحف المصري، إن مَن نظم فعاليات اليوم هم: "المتحف المصري ومتحف الطفل والوعي الأثري للمكفوفين، وإدارة النشاط الثقافي"، وأن التركيز كان على القطع الأثرية "اللي ليها علاقة بالتراث"، مضيفة أن التراث هو تواصل حضاري "بمعنى إن في حاجات كانت موجودة عند المصري القديم ولسه مستمرة معانا لحد دلوقتي، بنلاقي في بطاقات بتتكلم عن تاريخ الإنتاج وتاريخ الانتهاء، الحاجات دي لسه مستمرة معانا لحد دلوقتي، وبنلاقي العمال والخدم وهما بيشتغلوا في حاجات معينة هما بيعملوها إحنا لسه بنعملها زيهم.