أحد ضحايا تشكيل "قتلة ريجيني" يكشف تفاصيل تعرضه للسرقة
أحد ضحايا تشكيل "قتلة ريجيني" يكشف تفاصيل تعرضه للسرقة
- مساء القاهرة
- التشكيل العصابي
- مساء القاهرة
- التشكيل العصابي
- مساء القاهرة
- التشكيل العصابي
- مساء القاهرة
- التشكيل العصابي
كشف ساهر سامي، أحد ضحايا عملية سرقة على يد تشكيل عصابي، الذي قُتل جميع أفراده في تبادل لإطلاق نار مع الشرطة في القاهرة الجديدة.
جاء ذلك خلال حواره في برنامج "مساء القاهرة"، على قناة "Ten".
وقال سامي: "كنت واخد قرض من البنك قيمته 140 ألف جنيه وحملتهم في شنطة إكسسوار أشبه بشنطة الأطفال عشان محدش يشك إن فيها فلوس، وكنت راكن العربية في شارع العقاد والمكان زحمة فركنت العربية في مكان بعيد إلى حد ما وأثناء بحثي عن السيارة فوجئت بسيارة ميكروباص بيضاء تقف أمامي".
وأضاف: "واحد نزل من العربية وقالي يا باشا ممكن من فضلك البطاقة، قولتله انت مين قالي أنا ضابط شرطة.. قولتله طب وريني تحقيق الشخصية، وراني الكارنية وكان مكتوب فيه ضباط شرطة والسائق وراني الكارنية بتاعه، طلعلتهم البطاقة وطلبوا مني فحص متعلقاتي والشنطة اللي فيها الفلوس والموبيل وجواز السفر".
وتابع: "ادوني الموبيل وقالولي احنا فحصناه.. فعرفت على طول إنهم عصابة لأن الموبيل بتاعي مقفول بكلمة سر ومتفتحش، طلبوا مني الصعود إلى السيارة ولففوني شوية وادوني الفلوس كاملة، وقبل ما أنزل من العربية قالولي استنى نشوف الفلوس دي تكون مزورة، وبدل ما يدهالي في ايدي قربها على شباك العربية اللي جنب السواق، فأنا طبعا نزلت عشان أخدها، في الوقت ده هربوا بشنطة الفلوس".
وواصل: "كلمت النجدة وروحت قسم مدينة نصر، قابلت مدير المباحث هناك، والقسم اتحرك كله للبحث عن الهاربين، وقاموا بتفريغ الكاميرات في المحلات المجاورة لمكان الواقعة، ولاقيت اهتمام كبير جدا، جالي اتصال يوم الخميس اللي فات صباحا إني اتوجه إلى قسم التجمع الخامس ومقابلة رئيس المباحث، روحت من الساعة 9 صباحا وحتى الساعة 6 مساء وكان ضحايا التشكيل العصابي يدخلون إلى القسم واحدًا وراء الآخر، وبعد الساعة الـ6 أخبرونا للأسف أنه تم تصفيه التشكيل العصابي وأنهم كانوا يريدوهم على قيد الحياة ليأخذ كل من الضحايا متعلقاتهم".
