6 أبناء لـ«سعدية» عندهم «سرطان وقلب وسى»

09:25 م | السبت 05 مارس 2016

«بنتى سلمى الكبيرة وزينب ومحمود عندهم السرطان أعوذ بالله، وعامر وإيمان عندهم فيروس سى من صغرهم، وصالح ابنى الأخير مولود عنده مشاكل فى القلب، وإحنا على قد حالنا، جوزى بيشتغل على باب الله ويدوب بيجيب اللقمة اللى بنسد بطننا بيها».. جملة تلخص حكاية «سعدية وأولادها»، هذه السيدة الأربعينية التى تعيش مع أبنائها الستة وزوجها بمنطقة المنيب فى حجرة تضيق بهم مساحتها.

تفكر «سعدية» فى حال أبنائها الستة، بعدما طرقت ألف باب للعلاج، لكن «مستشفيات الحكومة إيدك منها والأرض»، على حد تعبيرها. لم تمتلك سعدية محمود فى حياتها سوى «فرشة خضار»، هى مصدر رزقها الوحيد المستمر حتى الآن منذ 25 سنة، و«عزوة» من الأبناء، لكنهم جميعاً مهددون بالموت، ولا يملكون إلا «الدعاء»: «مش عارفين نعمل إيه، إحنا على قد حالنا، والمريض فى بلدنا لا يكون غنى ويتعالج أو غلبان ويموت»، أمل ورجاء لا ينقطعان فى شفاء يأتيهم من حيث لا يحتسبون، وأن تجد «سعدية» مهنة لزوجها يستطيع من خلالها الإنفاق على تكاليف العلاج، : «مفيش حد فى عيلتى، ولا عيلة جوزى جاله السرطان ولا القلب، لكن بنشكر ربنا على كل اللى يجيبه، بس نفسى فى شغلانة تساعدنا على العلاج».