"ريهام سعيد" يغزو "تويتر" بعد حكم الحبس.. ونشطاء: "مش ندمانة على اللي عملتيه"

03:40 م | الاثنين 29 فبراير 2016

دشن نشطاء "تويتر"، هاشتاج "ريهام سعيد"، عقب حكم حبس الإعلامية عاما و6 أشهر مع الشغل، وغرامة 15 ألف جنيه، وذلك في تهمة السب والتشهير بفتاة المول.

وكتب عبدالعزيز: "مفيهاش حاجة يا جماعة لو صبحنا كل يوم عليها بعيش وحلاوة"، بينما كتب إسلام: "سنة ونص شيء قليل برده على التشهير بأعراض الناس، بس معتقدتش ان الحكم هيتنفذ، لأن لسا في طعن وممكن تكون سافرت".

وكتبت أسيل: "ربنا على الظالم"، فيما كتب أحمد ساخرا: "مش ندمانة على اللي انتي عملتيه"، وقالت أفنان: "يلا تقابلي ياسمين النرش هناك واجبلكم عيش وحلاوة".

وأضاف محمد: "فيها إيه بقى لو حد عمل معاكي حوار من السجن"، وكتب عمرو: "بغض النظر إذا كانت تستحق الحبس أو لأ، الحكم بسبب القذف والتعدي على الحياة الشخصية، طيب فين باقي المذيعين اللي بنشوفهم كل يوم".