_ وسيظل المحامي سمير صبري يقدم بلاغات و"يهري" حتى يواجه رب كريم.. ولا تستبعد يعملها وهو هناك.. وآخر ما فعله مش البلاغ بتاع الشابين "شادي ومالك" وقصة "بالونات الداخلية".. لا.. ده قال تصريح رهيب في نفس الملف.. أي والله، قال إن المخابرات الأمريكية والإسرئيلية ورا الموضوع.. وأنا شخصيا سألت وعرفت إن أمريكا بعتوا "دستين" واقي ذكري للعيال.. وإسرائيل هي اللي بعت "القلم" اللي كتبوا.. ومخابرات دولة مدغشقر هي اللي تولت تحديد خط سير العيال في شوارع دول مصر الشقيقة.. بالذمة ده عيب..وعيب أوي أوي .

_ وعلى فكرة النيابة لسه مطلعتش أي قرار بخصوص المتهمين وسمعت أقوال المجندين.. والنيابة هتعمل "استدعاء" للشابين.. وبعد الاستدعاء هتطلع قرار ضبط وإحضار.. والحقيقة كما ذكرنا أمس وامس الأول إن التصرف مهين ويستجوب العقاب والمحاسبة ولكن فيه حاجة أهم وهي.. أقولك أنا

_ وزارة الداخلية كسبت تعاطف كبييييير جدًا واتمني أن يكون هناك تفكير أروع من قيادات الوزارة والتنازل.. ليه ؟

بدلا من مصطلحات الصحافة والإعلام: "قضية الواقي والداخلية".. واستئناف قضية "كاندوم الداخلية".. و"حبس المتهمين في "كاندوم الداخلية".. وتأجيل المحاكمة وهوب "حبس أو براءة".. طب والمحصلة.. المحصلة "صفرية".. لكن لو تنازل الضابط هيوصل رسالة حلوة لكل الناس ويؤكد على روح التسامح والعفو.

_ وهنا امبارح كنت هاجمت سيد علي مقدم برنامج "حضرة المواطن" على قناة العاصمة وقلت إن جريمته أكبر من جريمة "العيلين" لما قال: "الكاندوم ده تديه لأمك".. والحقيقة أنه اعتذر امبارح عن اللي قاله وأحسن التصرف.. ولكن تامر أمين عمل فيها الناصح الأمين وقال في برنامجه موجها كلامه لـ"سيد": "عيب كده وميصحش كده".. طب يا تامر "بلغ" انت الأول وسيب سيد في حاله.. سيب سيد في حاله.. سيب سيد في حاله .

_ ولسه مع أهل الفن.. فالحقيقة إن منظر الفنان الكبير هشام سليم كان "وحش وصغير" جدا.. أول امبارح قال: "العيلين لازم يتربوا ويمسحوا بلاط الحمامات لمدة شهر".. ولما الشرطة راحت امبارح تقبض على بنته في مدرستها بالهرم قال: "فنانة وزوجها يتحكمان في الداخلية". لكن أقولك .

_ بعيد عن تناقض "هشام امبارح وهشام أول امبارح".. حابب أقولك إن بوكس شرطة يقف قدام مدرسة عشان ينفذ حكم على بنت عمرها 16 سنة "عيب".. وخاصة إن الحكم صدر في مطروح.. وإن الضابط اللي راح ودخل لمديرة المدرسة متعرفش مين كلفه ولا نفذ حوالي ألفين حكم في الجيزة قبل ما يروح .

_ ولسه مع "أهل الفن".. غادة نافع ابنة الفنانة الكبيرة ماجدة الصباحي لسه بتنفي وتقول محصلش وباحب ماما وماما بتحبني.. ونفس الكلام قالته امبارح في مانشيت مع جابر و90 دقيقة مع إيمان والعاشرة مع وائل وفي ام بي سي.. وفي إذاعة الشرق الأوسط الصبح.. وده اللي أنا عرفته.. وأنا قلت لها في المداخلات ردا عليها: "احترم ماجدة وفنها وتاريخها.. ومليش علاقة بالأسرة.. تعاملت مهنيا مع الموضوع ونشرته موثق وبأدلة وبراهين وأوارق رسمية".. بس معرفش لحد امتى هتفضل "متقولش الصح".. ميصحش كده .

_ وبمناسبة "الصح والغلط".. امسكوا الخشب.. بنعلم ولادنا يغشوا من دلوقتي.. واللي متعرفوش اللي بتغششه دلوقتي.. هيكون دكتور في مستشفى ويموتك.. ومهندس في حي ويوقع البيت عليك.. أو تاجر ويسرقك وهكذا.. وهكذا.. وده ليه بأقوله.. لأن في الدقهلية النهاردة وفي امتحان نصف العام، لمادة الدراسات الاجتماعية.. أولياء الأمور اتسرب لهم الامتحان.. وهب بعتوا الإجابات بـ"واتس آب" لأولادهم.. مفيش فاااااااايدة والله .

_ و"عشان كله.. ميبقاش.. ضرب.. ضرب.. ضرب.. نقول روحك الحلوة الملايكة من حلاوتها تغير كل هم الدنيا بنساها في ابتسامتك وافهم اللي تقصدوا آآآآه بصوتك وصمتك يللي شاركتك حياتي وقاسمتك قاسمتك دي الحياة تخاصمني لو لحظة خاصمتك بيحلى كل بكرة معاك بيحلا واللي بعدو يبقى أحلى كل شيئ في الدنيا حلو بشوفه فيك بس انت كل حاجة حلوة فيك".

• أهل الفن
• أولياء الأمور
• إذاعة الشرق الأوسط
• إن بوكس
• الدراسات الاجتماعية
• الفنان الكبير
• المخابرات الأمريكية
• أهل الفن
• أولياء الأمور
• إذاعة الشرق الأوسط
• إن بوكس
• الدراسات الاجتماعية
• الفنان الكبير
• المخابرات الأمريكية
• أهل الفن
• أولياء الأمور
• إذاعة الشرق الأوسط
• إن بوكس
• الدراسات الاجتماعية
• الفنان الكبير
• المخابرات الأمريكية
• أهل الفن
• أولياء الأمور
• إذاعة الشرق الأوسط
• إن بوكس
• الدراسات الاجتماعية
• الفنان الكبير
• المخابرات الأمريكية