تامر حسني يناشد جمهوره التبرع بالدم: "ولادنا وأهالينا محتاجين دعمنا"

06:19 م | الثلاثاء 19 يناير 2016

ناشد الفنان تامر حسني، محبيه، عبر صفحته الرسمية على "فيس بوك"، بالمشاركة في أكبر حملة للتبرع بالدم في العالم، والمقرر إقامتها يوم 23 فبراير المقبل.

وكتب تامر: "لو يوم 23 فبراير، اتبرع بالدم 110 آلاف شخص في يوم واحد، أولاً هننقذ حياة 3 مليون و 300 ألف شخص بين مريض أو مصاب، ثانيا هنقلل الفجوة الموجودة بين الاحتياج الفعلي للتبرع بالدم والمتاح حاليا من متبرعين، ومصر هتسجل رقم قياسي يدخلها موسوعة جينيس".

وأضاف الفنان: "كلي ثقة ان شبابنا هيعدوا الرقم ده وبكتير، ويا سلام لو كل الجامعات ومدارس الثانوي اتحدوا وخرجوا اليوم ده يتبرعوا، أكيد هنسجل رقم تاريخي، يلا يا شباب، والله ولادنا وأهالينا محتاجين الدعم ده، وكل حد فينا معرض لا قدر الله انه يحتاج دم لنفسه أو لحد من أهله لازم يلاقي".

وتابع تامر: والله في ناس كتير من أهالينا كل يوم بيموتوا، عشان معندناش أكياس دم كفاية، بعد الحملة دي هنكون أنقذنا أرواح كتير، وشباب كتير أوي فوق ما نتخيل، وهنكون تصدقنا بصدقات جارية طول حياتنا، فأرواح اخواتنا المحتاجين، أستحلفكم بالله يا شبابنا نتحد في اليوم ده، وربنا يحفظ مصر وأولادها، وانتظروا التفاصيل قريبا".

يذكر أن تامر حسني، شارك، اليوم الثلاثاء، في مبادرة "نبض الحياة" للتبرع بالدم، بصفته سفيرا لخدمات نقل الدم القومية.