إيه اللى جاب الفانوس لـ«بابا نويل»؟

12:26 ص | الأربعاء 02 ديسمبر 2015

الوحدة الوطنية بالنسبة لمحمد ومينا ليست مجرد كلمة، بل واقع قررا أن يحققاه فى كل تفاصيل حياتهما، بدءاً من العمل معاً وفتح محل يقدم المنتجات التى تعبر عن تفكيرهما وكان آخرها «فانوس» على شكل بابا نويل كإحدى هدايا احتفالات رأس السنة المقبلة والتى تمزج بين الطابعين الإسلامى والمسيحى.

محمد ومينا يعملان معاً منذ فترة طويلة فى محل صغير يقدم الهدايا الخاصة بالمناسبات والأعياد.. «مهمتنا فى كل عيد أو احتفال بنمر بيه إننا نقدم الهدايا والإكسسوارات وكل شىء يخص المناسبة سواء كانت عيد فطر أو أضحى أو رمضان بالإضافة إلى احتفالات رأس السنة والفلانتين وعيد الأم»، قالها «محمد» معبراً عن فرحته بشهرة محلهما الكائن بمنطقة الدقى، بينما حرص مينا على ترتيب البضاعة الخاصة باحتفالات رأس السنة بين رفوف المحل: «مش بنفكر بالطريقة التقليدية اللى هى انت مسلم وأنا مسيحى، ولنا شريك ثالث عمرنا ما سألناه عن حاجة عن نفسه هو مين ولا ديانته إيه، المهم العشرة الحلوة اللى ما بينا».

مينا أشار إلى أحد المنتجات الصغيرة التى حرص مع محمد على عرضها بشكل بارز داخل المحل، وهى فانوس صغير على شكل بابا نويل وآخر على شكل رجل الثلج، الذى يتراوح سعره ما بين 65 و75 جنيهاً.

«زى ما فيه فانوس لرمضان، فكرنا إنه لازم يبقى فيه فانوس لعيد الميلاد، الدين لله والوطن للجميع، وفكرة إن المسلمين والمسيحيين واحد قررنا إنها ماتكونش كلام على ورق، ولما كنا بنشترى البضاعة الخاصة باحتفالات رأس السنة، صممنا يكون من ضمنها الحاجات اللى بنجيبها ونعرضها علشان الناس تشوف بعينها».