مواطن من "الحوامدية": "الناس زهقت من كتر الانتخابات.. ومفيش تغيير"

02:08 م | الاثنين 19 أكتوبر 2015

قال عمرو عبدالعزيز محمد، أحد سكان الحوامدية، إن الشعب المصري "زهق" من كثرة الانتخابات "دستور، رئاسة، ومجلس شعب".

وأضاف المواطن، لـ"الوطن"، "مفيش تغيير بيحصل في البلد، وكل واحد بيترشح ويدفع دم قلبه في الحملات الانتخابية عشان نفسه، ومبيخدمش الناس، وفروا فلوسكم احنا مش منتظرين منكم حاجة، اعملوا بيها حاجة لأهل محافظتكم أو قريتكم".

وتابع المواطن، "نفسي اشوف أي إنجاز في أي محافظة أو مركز أو قرية، كان السبب فيه نواب المجلس، والله ولا أي حاجة غير إنهم بقوا عندهم أملاك وحصانة وتسهيلات ليهم ولقرايبهم في كل حاجة، وفي الآخر يقولك عايزين نخدم البلد".

يذكر أن الجولة الأولى من انتخابات مجلس النواب انطلقت في 14 محافظة أمس، ويحق لـ27 مليون ناخب مقيدين في قاعدة البيانات التصويت في أكثر من 100 لجنة عامة بالمحافظات، فيما يتابع نحو 900 مراقب دولي الانتخابات وسط إجراءات أمنية مشددة، ومن المقرر بدء أعمال الفرز بعد انتهاء عملية التصويت في تمام الساعة التاسعة مساء.