نانسي نور تقدم زوجها تامر عاشور أمام الرئيس في احتفالية عيد الفطر.. «الليلة حلوة بلمتنا»

في احتفالية عيد الفطر المبارك، التي حضرها السيد الرئيس عبدالفتاح السيسي، مع أبناء شهداء القوات المسلحة والشرطة ومصابي العمليات، غنى الفنان تامر عاشور أغنية جديدة خاصة بالعيد أمام الرئيس.

نانسي نور تقدم تامر عاشور على المسرح

وقدّمت زوجته نانسي نور الفنان تامر عاشور على المسرح، خلال احتفالية عيد الفطر على المسرح قائلة: «العيد هو مش بس يوم بنستناه هو اللمة، هو الفرحة اللي بتجمعنا، هو الضحكة اللي طالعة من القلب، هي البيوت العمرانة والمفتوحة، هي السعادة اللي بتزيد لما نتجمع مع اللي بنحبهم، هو إحساس الأمان اللي بيكبر لما نبقى وسط أهلنا وناسنا، لما نتجمع بناس كانت وحشتنا، للقرايب والصحاب نفتح بيتنا، لما ناخد صورة حلوة في بلدنا تبقى الليلة حلوة بلمتنا، خلينا نكمل فرحتنا وأقدملكم فنان كان حريص جدًا يكون معاكم النهاردةفي أول أيام عيد الفطر المبارك، وبيقدملكم أغنية للعيد مليئة بالسعادة والحب والبهجة والدفء، الفنان تامر عاشور».

كلمات أغنية العيد لتامر عاشور

وبدأ تامر عاشور كلمات الأغنية قائلًا:

العيد ابتدا والفرح ابتدا

واخدين على كده كده من يومنا

العيد جه هنا ووصل عندنا

ده احنا يا سعدنا واليوم يومنا

لما اللمة تبقى لمة حبايبنا

للقرايب والصحاب نفتح بابنا

يبقى منفرحش ليه إيه اللي ناقصنا الليلة عيد

لما نتجمع بناس كانت وحشتنا

لما ناخد صورة حلوة في بلدنا

تبقى الليلة ليلة حلوة بلمتنا دي الليلة عيد

وتحتفل الدولة المصرية، اليوم، بأول أيام عيد الفطر، بعد إعلان دار الإفتاء تعذر رؤية هلال شوال وأن أول أيام عيد الفطر الإثنين 31 مارس 2025، كان السيد الرئيس عبدالفتاح السيسي، أدى صلاة العيد بمسجد المشير طنطاوي، واستمع إلى خطبة العيد بحضور عدد من قيادات الدولة وأبناء الشهداء من القوات المسلحة والشرطة المصرية.

• حفل عيد الفطر
• احتفالية عيد الفطر
• عيد الفطر
• تامر عاشور
• نانسي نور
• عبدالفتاح السيسي
• الرئيس عبدالفتاح السيسي