ليلى عز العرب: رمضان 2004 مرحلة انتقالية بين الكلاسيكيات والمحاولات الإبداعية
ليلى عز العرب: رمضان 2004 مرحلة انتقالية بين الكلاسيكيات والمحاولات الإبداعية
استرجعت الفنانة ليلى عز العرب ذكريات دراما رمضان خلال موسم 2004، وذلك خلال حلقة اليوم من برنامجها «نوستالجيا»، المُذاع عبر فضائية «الحياة».
وقالت عز العرب: «في رمضان 2004 والتكافل كان موجودا ما بين الناس زي ما بيحصل دايمًا في رمضان، والتليفزيون كمان كان في مرحلة انتقالية بين الكلاسيكيات التي بنت القاعدة وبين محاولات إبداعية جديدة حاول تمزج بين الكوميديا والدراما بطريقة خفيفة وسلسلة، وهو ما جعل الناس تشعر أن الشهر مش بس استمتاع بالصيام لكن كمان فرصة للتجديد والترفية».
وأضافت عز العرب: «ومن المعروف أنه عشان تكسب إقبال الناس على المنتج بتاعك يبقى لازم تقدم لهم عروض تشجعهم يستمروا فى الشركة بدون ما ينقلوا فى شركة تانية، وهنا لما يظهر التنافس بتظهر حرفنة صانع الإعلان، اللى بيدور على فكرة جديدة وإعلان يشد مع عرض لا يقاوم من الشركة، زي ما حصل فى حملة إعلانات فودافون في رمضان 2004 واللي كانت مليانة عروض».
وتابعت: «بمناسبة فودافون في رمضان 2004 وفي واحدة من إعلانات حملتهم الإعلانية ظهرت أستاذة شيك كده».
ليلى عز العرب: إعلان الشاي أساسي في دراما 2004
وأوضحت عز العرب: «إعلان الشاي إعلانه بقى من أساسيات إعلانات رمضان، فظهر في رمضان 2004 إعلان قرر صناعه أنهم يضعوا قواعد إزاي تعرف الشاي اللي بتشربه، إعلان لطيف وانتشر وبقت كلماته على كل لسان».
وأضافت قائلة: «ولأن خفة الدم جزء رئيسي في أي إعلان، مجموعة بهجت قدمت خدمة التقسيط على كل منتجات شركة جولدي وأعلنت عن ده في رمضان 2004 من خلال إعلان دمه خفيف فيه 3 ممثلين عملوا فيه تقليد لثلاثي أضواء المسرح (سمير وجورج والضيف)، وغنوا الأغنية الدعائية الخاصة بالإعلان على نفس لحن أغنية كيوبيد للبيع».
