«محمود» يوزع جائزته من مدفع رمضان على الناس الغلابة: «خلى الكل يفرح»
«محمود» يوزع جائزته من مدفع رمضان على الناس الغلابة: «خلى الكل يفرح»
صدفة قادت الشاب محمود الغلبان، ابن مركز طوخ بمحافظة القليوبية، إلى لقاء الفنان محمد رمضان أثناء تصوير برنامج «مدفع رمضان» على طريق القاهرة - الإسكندرية الزراعى، فبينما كان يسير الشاب وجد زحاماً شديداً فقاده فضوله نحو قدره، إذ اقترب من الزحام ليرى الفنان محمد رمضان وبأعلى صوت يقول: «بحبك يا فنان ونفسى أتصور معاك»، ليرد الأخير: «تعالى انت اسمك إيه؟»، ثم يسأل عن تاريخ ميلاده، وبعد أن يعرف «رمضان» أنه من مواليد 1 يناير يهديه الجائزة وقيمتها 100 ألف جنيه.
برنامج مدفع محمد رمضان
يحكى محمود الغلبان عن تفاصيل فوزه بالجائزة في مدفع محمد رمضان قائلاً: «ماكنتش عارف إن تاريخ ميلادى هيكون وش السعد، رمضان لما سألنى وجاوبت قال لى مبروك كسبت 100 ألف جنيه، فكنت فاكر إنه بيهزر، قلت له لا مش محتاجهم، فقال لى إن المبلغ من نصيبى، ففرحت قوى ولما بلغت أبويا طلب منى أوزع الفلوس على الغلابة، فعملت كده فوراً، لفيت على كل الغلابة اللى فى البلد ووزعت عليهم الفلوس لإدخال الفرحة والبهجة على قلوبهم».
الشاب الثلاثنيى لم يصدق أن هناك برنامجاً يوزع جوائز مالية ومعنوية على المواطنين دون فعل شىء، لكنه أيقن أن الخير موجود بعدما شاهد مدفع محمد رمضان والبسمة على وجوه الغلابة: «كنت بشوف برامج التليفزيون بتدى للناس مكافآت وجوايز وأقول لا مش حقيقى، لحد ما عشت التجربة بنفسى فى فقرة يا نصيب وفزت بـ100 ألف جنيه، بصراحة البرنامج ده جبر خواطر ناس كتير، لأنه سدد ديون ناس ومنح آخرين رحلات حج وعمرة، وعالج ناس، عشان كده هو أصدق برنامج، وبشكر الشركة المتحدة للخدمات الإعلامية وقناة دى إم سى على فكرة البرنامج، وطبعاً محمد رمضان فنان كبير ومحبوب لكن البرنامج خلى الناس تحبه أكتر».
مدفع محمد رمضان
قرر محمود تخصيص مبلغ سنوى لدعم الغلابة على غرار ما يفعله محمد رمضان: «فوزى خلانى أخصص فلوس سنوياً لدعم المحتاجين، لأننا كلنا لازم نساهم، والفكرة ألهمتنى بعد ما وزعت المبلغ كله على الناس وشفت فى عينيهم الفرحة، نويت أعمل ده كل سنة، وربنا يقدّرنى وأكون سبب فى سعادة عشرات المحتاجين من منطلق التكافل والتراحم».
