الرئيس السيسي: عرفنا قيمة أفراد الشرطة في أحداث 2011 وما بعدها
الرئيس السيسي: عرفنا قيمة أفراد الشرطة في أحداث 2011 وما بعدها
قال السيد الرئيس عبدالفتاح السيسي، لأولياء أمور طلاب أكاديمية الشرطة «هنئوا أنفسكم وأبناءكم أن لهم دور كبير، ومتسمعوش الكلام اللي بيقلل من وزارة الداخلية، دول بيتعاملوا مع 80 مليون على الأقل كل يوم في الشارع، إحنا عاوزين نكون موضوعيين في الحكم والتعامل أكتر من 27 محافظة فيها بشر فيهم السليم والأمين، مين بيتعامل مع المخدرات وقضايا سرقة الآثار وغيرها، بنات مصر وولاد مصر من الأسر المصرية العادية خالص دول ولادكم».
وشرح الرئيس خلال حديثه بزيارة لأكاديمية الشرطة: «لازم يكون في موضوعية وفهم للأمر، وكان ليا تجربة في أحداث 2011 وما بعدها، وشوفنا أد إيه المجتمع عانى وتعب والأمن انتهك في الوقت ده والميزة الوحيدة في الوقت ده أننا عرفنا قيمة ابننا وبنتنا اللي ماشيين في الشارع، إحنا نايمين وهما صاحيين، ولكن في الوقت ده الجيش نزل وقولتلهم الجيش اللي نزل الشارع هيكون محتاج إعادة تأهيل لما يرجع للوحدات بعد تعامله مع الناس في الشارع وهو مش واخد على كدا».
