حقق مشهد الثلاثي دياب وأسر ياسين ومي عز الدين، في مسلسل قلبي ومفتاحه، إشادة واسعة من قبل الجمهور، وذلك بعد اكتشاف أسعد العلاقة غير المتوقعة بين ميار وعزت، لي نجح في جذب انتباه المشاهدين بسبب الأداء المميز من الممثلين الثلاثة، إضافة إلى النص القوي الذي اعتمد على الحبكة المثيرة والمشوقة، جعل من هذا المشهد نقطة تحول درامية بارزة في المسلسل، رغم كونه في الحلقة قبل الأخيرة من المسلسل.
الجمهور يشيد بمشهد موعد على العشاء في مسلسل قلبي ومفتاحه
وانهالت التعليقات التي كالت بالمديح على المشهد الاستثنائي الذي قدمه الثلاثي خلال الحلقة قبل الأخيرة من مسلسل قلبي ومفتاحه، وكتبت إحدى متابعات المسلسل: تامر محسن ودياب في المشهد دا، بيعلموا أشباه الممثلين والمخرجين ازاي تلعب مشهد مليان شر وخوف وتوتر من غير زعيق ولا تبريق ولا فتونة.
وأضافت: رسم المشهد عادي خالص ٣ قاعدين بيتعشوا، لكن واحد بس هو المتحكم في الموقف كله،، واحد بس قادر يوترهم ويخوفهم من غير ما يزعق ولا يهدد، "دياب" كان قاعد بيلعب المشهد ومستمتع بيه حرفيًا، تشوف في عينه "أسعد" النرجسي والشر باين فيها من غير ما ينطق بكلمة،، مستني تشوف هيعمل ايه، تامر محسن اللي كان بيلعب بالكادرات عشان يبنيلك قد ايه "أسعد" هو المسيطر في اللحظة دي، من غير أفورة ولا موسيقى تصويرية مبالغ فيها، كل حاجة في مكانها مظبوط، دا غير الإشارة بالحلقة باسم "موعد عَ العشاء"، كأن كل حاجة في الحلقة بتشارولك عَلى الحدث المحوري فيها بكل سلاسة.
ماذا قالت الجماهير عن مشهد ثلاثي قلبي ومفتاحه؟
وقال آخر: الحلقة 14 من مسلسل قلبى مفتاحه أحلى حلقة يمكن دي الحلقة الوحيدة اللى كنت مركزة فيها بدون ملل وحسيت بخوف حقيقى من أسعد فى مشهد العشا وفرحت ان عزت اخيرا وقف ل أسعد بس زعلت من قفلة الحلقة.
وأضاف: المشهد بكل عناصره من اداء وتصوير و موسيقى قدر يوصللي شعور كل ابطاله رغبة أسعد في الانتقام، خـوف ميار، ثبات عزت كأني انا كمان كنت قاعدة معاهم على الترابيزة ومستنية في أي لحظة أسعد يقول أنا عارف كل حاجة.
