مجدي الجلاد: «طموحاتي كلها مهنية ومش عايز أكون غني»
مجدي الجلاد: «طموحاتي كلها مهنية ومش عايز أكون غني»
استضاف الكاتب الصحفي أحمد الخطيب ببرنامجه «كلم ربنا»، المُذاع على «الراديو 9090» الكاتب الصحفي مجدي الجلاد، وخلال الحلقة تحدث «الجلاد» عن علاقته بربنا.
وقال «الجلاد»، أنه يتعجب من الناس الذين لا يتحدثون مع الله، مشيرًا الى أنه هناك الكثير من الحديث بينه وبين الله.
وأضاف قائلًا: «طول الوقت بحس إن ربنا هو اللى عايز يقربني، وأنا بعشق أحلام اليقظة، وكنت أحلم دائمًا أن أكون صحفي كويس، وكنت دائمًا بدعي ربنا بشكل مباشر، ودايمًا كنت بقول "يارب مش عايز أكون غني، طموحاتي كلها مهنية، نفسي أكون واحد من أشهر الصحفيين وأفضل الصحفيين فى مصر"».
وتابع مجدي الجلاد خلال حديثه لـ الراديو 9090: «كنت أبقى ماشى فى مسار وأقول لأ، فأجبر على مسار أخر، ويطلع خير، وهو الطريق اللى ربنا عايزه، بما فيها أول فرصة أكون فيها رئيس تحرير وكنت رافض».
وأكمل: «انا بستغرب ازاى الناس اللى مش بتكلم ربنا عايشين، وأنا بيني وبين ربنا كلام كتير جدًا، وأنا عايز أقول على سر "أنا بشحت من ربنا، لما بتزنق بشحت منه، وبقول يارب أنا مش عايز أمد إيدي لحد ولا ألجأ لأحد"، وبلاقى أبواب إعجازية أتفتحت».
