كلمات أغنية «خمسة من الحسد» لمسلسل فهد البطل بطولة أحمد العوضي في رمضان
كلمات أغنية «خمسة من الحسد» لمسلسل فهد البطل بطولة أحمد العوضي في رمضان
- مسلسل فهد البطل
- فهد البطل
- أحمد العوضي
- كارولين عزمي
- عصام السقا
- أحمد عبدالعزيز
- مسلسلات رمضان 2025
- رمضان 2025
ينتظر الجمهور عرض مسلسل فهد البطل، الذي تدور أحداثه في أحد محاجر مدن الصعيد، حيث يُولد «فهد» الذي يجسد شخصيته الفنان أحمد العوضي في عائلة مليئة بخلافات الثأر، فيهرب مع شقيقته «راوية» ليعيشا مع أطفال الشوارع حتى يتم إيداعهما في الإصلاحية، ويظهر البطل خلال الأحداث حيث يعمل كصنايعي رخام، ثم يقع في حب زميلته «كناريا»، لكن المنافسة بينه وبين والدها في سوق الرخام تضع عوائق كبيرة أمام علاقتهما.
مسلسل فهد البطل في رمضان 2025
وطرحت منصة WatchIt عبر صفحتها الرسمية، خلال الأيام الماضية الأغنية الدعائية لمسلسل فهد البطل المقرر عرضه في رمضان 2025، وهي أغنية «غول الأصول» للمطربة رحمة حسن، ونشرت المنصة الأغنية مصحوبة بتعليق: «اسم الكبير معلمة فهد البطل ملحمة»، كما نشرت الأغنية الدعائية الثانية للمسلسل وهي أغنية «بطل يا بطل» من غناء وكلمات مطرب المهرجانات ميدو جاد الذي شارك في تلحينها مع محمد بوب، كما نشرت المنصة خلال الساعات الماضية وقبل ساعات من عرض المسلسل، أغنية «خمسة من الحسد» من غناء عنبة وأردني، وعلقت عليها قائلة: «خمسة من الحسد بطل وأسد».
كلمات مسلسل فهد البطل
وجاءت كلمات أغنية «خمسد من الحسد» لعنبة وأردني كالآتي:
بطل واد مثير للجدل
باجي بتلف أمل اللي كرهوني
شبح مني كله اتجرح
اللي جوة اتفضح
وشوفته بعيوني
خمسة من الحسد بطل وأسد
فايق لنفسي ومحدد الهدف
وراسي فوق تشغلها No
البابا جالك فتقطم تموت
مش بالكلام عامل لي بطل
ريّح ونام الطرش حضر
عويل مجاش يا ربع دكر
ده مش غرور فهد أنا البطل
جامد وبرنس مدور الترس
جاية بشقايا ومش جاية بالورث
بنزل بهز بطل تجز
المتعة في الرحلة مش عاوز الكنز
حضّر الجن دماغك توّنَ
وقتي بفلوس ساعتي بيج بن
بسنّ في السنّ أخليك تكنّ
بنزل بكسبكم كأني بِن تِن
جبل أيوة هفضل جبل
لو إيه اللي اتعمل هفضل يابا جدع
أسد أيوة واقف أسد
راسي فوق في السما أنا فوق مش هقع
شوفت بعيوني اللي كرهوني واللي حبوني
اللي سندوني واللي خدعوني
شوفت ياما كتير
شوفت بعيوني اللي سلكو لي واللي غدروني
اللي باقولي اللي فارقولي شوفت ناس بتغير
كبار في المقام شُطار في العلام
شاغلين لك دماغك مش عارف تنام
دلوقتي وزمان هتفضل تتهان
بنتقل تخف على كف الميزان
شايفك عويل مش قادر تشيل
مفيش حد حِملي وعندي الدليل
بشهادة الجميع بسوقكم قطيع
صايع من صغير فمتجيش تصيع
حضّر الجن دماغك توّنَ
وقتي بفلوس ساعتي بيج بن
بسنّ في السنّ أخليك تكنّ
بنزل بكسبكم كأني بِن تِن
بطل واد مثير للجدل
باجي بتلف أمل اللي كرهوني
شبح مني كله اتجرح
اللي جوة اتفضح
وشوفته بعيوني
فريق عمل مسلسل فهد البطل
ومسلسل فهد البطل يشارك في بطولته مجموعة كبيرة من النجوم والنجمات، منهم أحمد العوضي، وميرنا نور الدين، وكارولين عزمي، وعصام السقا، وأحمد عبد العزيز، ولوسي، وصفاء الطوخي، ومحمود البزاوي، وغيرهم، والمسلسل من تأليف محمود حمدان، وإخراج محمد عبد السلام، ويتولى شادي مؤنس مهمة تأليف الموسيقى التصويرية في العمل.
