نشطاء بعد تقرير الطب الشرعي لطالبة "الصفر": "متستنيش حق في البلد دي"

02:35 م | الاثنين 31 أغسطس 2015

دشن نشطاء موقع التواصل الاجتماعى "تويتر"، هاشتاج "أنا مصدق مريم ملاك"، عقب تقرير الطب الشرعي الذي أكد تطابق خط الطالبة مريم صاحبة "الصفر" فى الثانوية العامة، وتأكدت أن الخط الموجود هو خط "مريم"، وبالتالي تكون النتيجة سليمة 100%.

شاركت إنجي بالهاشتاج معلقة: "مش عارفة أقول إيه، لو ليكى حق ربنا هيجبهولك أكيد وينتقم من الظالم مصدقاكى"، وقال هشام: "مريم ملاك كشفت عن نظام أقل مايوصف به أنه فاسد".

وعلق أحمد محسن قائلا: "ربنا ينصر المظلوم ويرد كيد الظالم في نحره"، بينما قال "زملكاوي": "حقك عند اللى خلقك يا بنتى متستنيش حق في البلد دى".

ومن جانبها قالت داليا: "عايزة أقول للمسؤول اللي إداها صفر ده إنك لو كنت بس خليتها 30% أو 40% كنت هتضيع مستقبلها بردو، بس كانت هتبقى مبلوعة شوية".

وطالب سالم بإقالة وزير التعليم قائلا: "من الواضح أنه الموضوع اتحسم لبنت أو لابن ناس مهمين لدرجة أنهم يزوروا في الكنترول وفي الطب الشرعي، أقيلوا وزير التعليم الفاسد".