"المسيري" ينظف قضبان الترام بيديه..ومواطنون: "طب البس قفاز علشان نصدق"

شارك هاني المسيري محافظ الإسكندرية، في حملة نظافة محيط الترام بشارع الفتح في منطقة بولكلي والتي نظمتها لجنة محبي الإسكندرية.

ووجه "المسيري" خلال فعاليات الحملة الشكر لجميع المشاركين معبرا عن سعادته وفخره بمجهوداتهم المبذولة ومشاركتهم الإيجابية.

وطالب المحافظ، المشاركين في الحملة، بتوعية المواطنين بالفصل من المنيع ومواعيد إلقاء القمامة والمساهمة في القضاء على مشكلة القمامة، والحفاظ على الصناديق الجديدة التي يتم توزيعها حاليا بالأحياء وشوارع الإسكندرية.

واستقبل الأهالي قيام المحافظ بتنظيف الشوارع بيديه بسخرية، حيث قال أحد المارة لـ"المسيري": طب ارجع لورا محطتين هتلاقي محطة شوتس وباكوس وهي عبارة عن مقالب قمامة كبيرة، مش مجرد علبتين كانز وكيس مناديل".

وأضافت سيدة: "الأفضل إنك تشوف طريقة تخلي عمال النظافة يشتغلوا بذمة وضمير، بدل ماتنزل تتصور وانت بتجمع القمامة بنفسك".

أما أحمد بلال، أحد سكان منطقة فلينج، القريبة من محطة "بولكلي": المحافظ بتاعنا بينضف بنفسه خط الترام من القمامة، بعيدا عن إن دي محطة الوزارة اللي هي طريق مش محطة أصلا، فالمحافظ بيلم الزبالة بإيديه من غير قفازات وده معناه إنها اشتغاله، طب كنت لبست قفاز علشان نصدق يا مسيري، وياريت تلاحظ إن شوارع الإسكندرية الرئيسية مليانة زبالة ممكن تعمل حملة لإزالتها".

• إلقاء القمامة
• توعية المواطنين
• جمع القمامة
• حملة نظافة
• خط الترام
• عمال النظافة
• محافظ الإسكندرية
• مشكلة القمامة
• مقالب قمامة
• أحمد بلال
• إلقاء القمامة
• توعية المواطنين
• جمع القمامة
• حملة نظافة
• خط الترام
• عمال النظافة
• محافظ الإسكندرية
• مشكلة القمامة
• مقالب قمامة
• أحمد بلال
• إلقاء القمامة
• توعية المواطنين
• جمع القمامة
• حملة نظافة
• خط الترام
• عمال النظافة
• محافظ الإسكندرية
• مشكلة القمامة
• مقالب قمامة
• أحمد بلال
• إلقاء القمامة
• توعية المواطنين
• جمع القمامة
• حملة نظافة
• خط الترام
• عمال النظافة
• محافظ الإسكندرية
• مشكلة القمامة
• مقالب قمامة
• أحمد بلال