سارة نخلة: الست المصرية شايلة كل حاجة لوحدها.. أجدع واحدة في الدنيا

07:22 م | السبت 28 ديسمبر 2024

حلَّت الفنانة سارة نخلة، منذ قليل، ضيفة على أحد البرامج التليفزيونية، وكشفت العديد من الأسرار حول حياتها الشخصية والمهنية، وكذلك وجههت نصائح للأزواج.

سارة نخلة تكشف مواصفات شريك حياتها

وقالت سارة نخلة: «أنا ما بحبش أراوغ، يا إما هتعليني أو تبقى على نفس مستوايا، لكن اللفلفة والدباديب بقت حاجات مبتأكلش عيش، دي كانت حاجة يضحكوا علينا بيها زمان، لكن دلوقتي أنا فوق الـ30، ما حدش يقدر يضحك عليا، لأن المسؤولية مش أن الراجل يكلمني يقول لي أخبارك إيه دي حاجة عادية».

وأضافت «نخلة»: «المسؤولية هي أنه يشيل كل حاجة سواء كانت البيت، أو المصاريف، وكل اللي تخصنا، أنا مش هقف مع السباك ولا مع بتاع التكييف، وفرلي كل ده وبعدين تعالى قول عليا نكدية، الست المصرية أجدع ست في الدنيا».

سارة نخلة تشيد بالمرأة المصرية

وتابعت سارة نخلة: «الست المصرية شايلة كل حاجة لوحدها، من مصاريف البيت للمدارس والنوادي، ولا سورية ولا لبنانية تقدر تستحمل اللي المصريات بيتحملوه، الست اللي بتهتم بنفسها ده دور الراجل كمان، وفر لي الفلوس اللي تخليني أعمل بوتكس وفيلر، وفر لي سواق وحاجات البيت، وبعدها تعالى قول عليا نكدية».