إسعاد يونس تكشف تفاصيل دخولها الوسط الفني: بدايتي في الإذاعة

كشفت الفنانة إسعاد يونس عن كواليس بدايتها في الفن، وذلك خلال ندوة بمهرجان الجونة السينمائي في دورته السابعة، التي تديرها الفنانة يسرا.

سر عن إسعاد يونس 

وقالت إسعاد يونس: «أنا بدايتي كانت في الراديو، كان فيه قناة إذاعية بتطلب ناس بترتب المكتبة الإذاعية، وأنا عمري كان 16 سنة، وفعلا قدمت بترشيح من هاني أبو زيد، ودخلني لمدير الإذاعة اللي اعترض في الأول عشان صغر سني، بس بعد كدا اقتنع، وانتقلت بعد كدا في العديد من الإذاعات، لحد ما اتخرجت وبقى معايا بكالوريوس وبقيت مذيعة».

إسعاد يونس: «أنا كنت عاشقة جدًا للراديو، ولما بقيت أمثل بقيت عاشقة جدًا للتمثيل، وبدايتي الحقيقية كانت في ميزو عام 1977 مع الفنان سمير غانم، والكواليس كانت كلها ضحك وهزار، وكنا قاعدين وفجأة لقيت سمير داخل عليا وقالي قومي انزلي معايا أنا بعمل مسلسل وعايزك معايا، قولتله إيه دا في إيه اهدي، قالي هو كدا يلا بينا».

كواليس عمل لإسعاد يونس

وأضافت إسعاد يونس: «رُحت معاه والمخرج اداني مشهد وقالي ممكن تعمليه، وفعلا عملته قالهم هاتوا العقد دلوقت حالا، انتي معانا خلاص، واشتغلت وكنا داخلين رمضان الأيام دي، وبدأنا نذيع واحنا بنشتغل، والناس كانت بتشوفنا في الشارع وتنادي علينا بأسماء الشخصيات، من كتر النجاح.. حاسة إن ربنا دلوقت بيعوضني».

• اشتباكات عنيفة
• التنظيمات الإرهابية
• الجيش الليبي
• قوات الجيش
• مدينة درنة
• اشتباكات عنيفة
• التنظيمات الإرهابية
• الجيش الليبي
• قوات الجيش
• مدينة درنة