محمود الليثي للإعلامية هبة الأباصيري: عاكست زوجتي بأغنية سوق البنات
محمود الليثي للإعلامية هبة الأباصيري: عاكست زوجتي بأغنية سوق البنات
قال الفنان محمود الليثي، إنه شاهد الخير كله في زوجته، مردفا: «بحبها جدا وبخاف عليها جدا».
وأضاف محمود الليثي خلال «سهرة خاصة من العلمين» ببرنامج «العالم علمين»، عبر قناة CBC، مع الإعلامية هبة الأباصيرى، أن زوجته من عائلة كبيرة في السيدة زينب، وشقيقها سيد سكر صديقه، وسمى اسم ابنه على اسمه، مردفا: «كنت مأجر منه عربية، وقالي قابلني على القهوة، وملقيتهوش، ورحت المحل لقيت واحدة حلوة، وقالت لي: اوعى وشيل العجلة دي من هنا، وقعدت جوا، والمعلم جه وقلت خلي بالك مرضتش أعمل مشكلة وأنت مش موجود والبنت دي زعقت لي، قال لي دي أختي».
وتابع: «قلت لها حضرتك كوكي، قالت: أنا كوكي، قلت لها أنا أسف، قالت: بترغي ليه، وقلت لسيد: أنا عاوز أتجوز أختك، والبنت عملت مصايب وأنا عملت جرايم مع سيد عشان نتجوز»، مردفا: «قال لي أنا أبوهم ومش هبقى معاكم والبيوت كلها مشاكل، لو أنت بتحبني خليك أبوهم».
وواصل: «عاكست زوجتي بأغنية سوق البنات، واتجوزتها بأغنية بطمنك».
