أحمد فايق: «والدي قال لي مش مهم ثمن هدومك الأهم تكون نظيفة» (فيديو)

عرض الإعلامي أحمد فايق، مقدم برنامج «مصر تستطيع»، عبر فضائية «DMC»، حلقة خاصة من داخل مسرح جامعة القاهرة. 

وقال «فايق»: «باعتباري تخرجت في جامعة حلوان، عايز أحكى حكاية، دايما بننسب الفضل لأصحاب الفضل، وقت ما دخلت الجامعة كان مصروفي وقتها حوالى جنيه ونصف أو اتنين جنيه، والفلوس دي تقريبًا مكانتش توديني الجامعة كل يوم، وكان همي في أولى كلية هو ازاى أقدر أجمع مصروفي، وفي نفس الوقت أحقق الحلم الأكبر بالنسبة لي في الجامعة».

وأضاف قائلًا: «كنت بروح الجامعة مرة أو مرتين في الأسبوع، وكان أول هدف بالنسبة لي في أول سنة، أني أحول نفسي من انتساب موجه فى الكلية إلى انتظام لأني مكنتش عايز أضغط على أهلي فى الفلوس».

وتابع: «والدي كان بيشتغل محامي فى شركة حكومية، وقالى مش مهم الهدوم اللى أنت لابسها تمنها كام، ومش مهم مع الموضة ولا مش مع الموضة، أهم حاجة نضيفة ومكوية».

• أحمد فايق
• مصر تستطيع
• قناة دى أم سي
• جامعة القاهرة
• جامعة حلوان
• أحمد فايق
• مصر تستطيع
• قناة دى أم سي
• جامعة القاهرة
• جامعة حلوان