«مكنتش بحدد عدد ساعات للمذاكرة».. الثالث مكرر في الثانوية العامة يكشف سر تفوقه

11:52 م | الاثنين 05 أغسطس 2024

بمجموع 403، حصد الطالب إياد يحيى من دمياط المركز الثالث مكرر في الشعبة العلمية في الثانوية العامة 2024، بعد عام كامل من المثابرة وأيام من التوتر والخوف، كانت مكالمة وكيل وزارة التربية والتعليم طوق النجاة له، إذ أزالت تعب السنة كلها.

الأيام اللي فاتت كانت أصعب من الامتحانات نفسها

بصوت يملؤه الفرح، تحدث إياد يحيى لـ«الوطن» عن لحظة استقبال النتيجة، إذ تواصل معه وكيل وزارة التربية والتعليم لإبلاغه بالنتيجة: «لما بلغوني النتيجة اتخضيت، والبيت كله اتملى فرحة وزغاريد، بصراحة بعد الامتحانات والاختلاف في الإجابات محدش كان ضامن هيعمل إيه، فالنتيجة بالنسبة لي مفاجأة».

وعن أصعب الأيام التي مرّت على الثالث مكرر، بالشعبة العلمية، أوضح إنها لم تكن أيام الامتحانات، بقدر الأيام التي سبقت إعلان النتيجة: «اليومين اللي فاتوا مكانوش بيعدوا، من التوتر والخوف، وتأخير النتيجة، كانوا أصعب الأوقات اللي عدوا عليا».

سر تفوق

أمّا فيما يتعلق بسر تفوقه، فأكد «إياد» أنه لم يكن يحدد عدد ساعات معينة للمذاكرة، لكنه كان حريصًا على المذاكرة أول بأول، حتى لا تتراكم عليه: «مكنتش بحدد عدد ساعات للمذاكرة، اللي بدرسه بذاكره وبس، ومفيش حاجة بتتراكم عليا وده السر».

وعن الكلية التي يود الالتحاق بها، أشار الثالث علمي علوم في الثانوية العامة، إلى أنّ حلمه سيتحقق بالالتحاق بكلية الطب.